இணையத்தில் லீக் ஆன 2022 மஹிந்திரா ஸ்கார்பியோ விவரங்கள்

மஹிந்திரா அண்ட் மஹிந்திரா நிறுவனம் புதிய தலைமுறை ஸ்கார்பியோ மாடலை உருவாக்கும் பணிகளில் நீண்ட காலமாக ஈடுபட்டு வருகிறது. இந்த மாடல் அடுத்த ஆண்டு விற்பனைக்கு வரும் என எதிர்பார்க்கப்படுகிறது. இந்த நிலையில், தற்போது வெளியாகி இருக்கும் தகவல்களில் புதிய ஸ்கார்பியோ தற்போதைய மாடலை விட அசத்தலான வடிவமைப்பு கொண்டிருக்கும் என கூறப்படுகிறது.

புதிய ஸ்கார்பியோ சமீபத்தில் அறிமுகம் செய்யப்பட்ட எக்ஸ்.யு.வி.700 மாடலின் கீழ் நிலைநிறுத்தப்படும் என கூறப்படுகிறது. இந்த கார் முந்தைய மாடலை விட அளவில் பெரியதாக இருக்கும் என்றும், அதிக இடவசதி கொண்டிருக்கும் என்றும் தகவல் வெளியாகி உள்ளது. இதன் உள்புறம் அதிநவீன வசதியுடன் மேம்பட்ட தொழில்நுட்பங்கள் வழங்கப்படும் என தெரிகிறது.

2022 மஹிந்திரா ஸ்கார்பியோ மாடல் இருவித டியூனிங்கில் டர்போசார்ஜ் செய்யப்பட்ட டீசல் என்ஜின், 2 லிட்டர் எம்-ஸ்டேலியன் 4 சிலிண்டர் பெட்ரோல் என்ஜின் வழங்கப்படும் என கூறப்படுகிறது. இத்துடன் 7 ஸ்பீடு மற்றும் 6 ஸ்பீடு டிரான்ஸ்மிஷன் வழங்கப்படலாம்.