டிவிஎஸ் அபாச்சி ஆர்டிஆர் 180 பிஎஸ்6 விலையில் மீண்டும் மாற்றம்

டிவிஎஸ் அபாச்சி ஆர்டிஆர் 180 பிஎஸ்6 மோட்டார்சைக்கிள் மாடல் விலை இந்த ஆண்டு துவக்கத்தில் உயர்த்தப்பட்டது. இந்நிலையில், இதன் விலை மீண்டும் உயர்த்தப்பட்டுள்ளது. தற்சமயம் இதன் விலை ரூ. 1,03,950 என மாற்றப்பட்டுள்ளது. இது முந்தைய விலையை விட ரூ. 2500 அதிகம் ஆகும். அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டுள்ளது.

டிவிஎஸ் அபாச்சி ஆர்டிஆர் 180 பிஎஸ்6 மாடலில் எல்இடி டிஆர்எல்கள், செமி டிஜிட்டல் இன்ஸ்ட்ரூமென்ட் கிளஸ்டர், ரேசிங் கிராஃபிக்ஸ், பெரிய டேன்க் எக்ஸ்டென்ஷன்கள், எல்இடி டெயில் லேம்ப், ஒற்றை இருக்கை வடிவமைப்பு, என்ஜின் கவுல் மற்றும் அலாய் வீல்கள் வழங்கப்பட்டுள்ளன.

இதுதவிர பிரேக்கிங்கிற்கு முன்புறம் 270 எம்எம் பெட்டல் டிஸ்க் பிரேக், பின்புறம் 200 எம்எம் டிஸ்க் பிரேக் மற்றும் சிங்கிள் சேனல் சூப்பர் மோட்டோ ஏபிஎஸ் வழங்கப்பட்டுள்ளது.

அபாச்சி ஆர்டிஆர் 180 பிஎஸ்6 மாடலில் மேம்பட்ட 177.4சிசி சிங்கிள் சிலிண்டர் என்ஜின் வழங்கப்பட்டுள்ளது. இந்த என்ஜின் 16 பிஹெச்பி பவர், 15.5 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது.