கார்
மஹிந்திரா எக்ஸ்.யு.வி.700

வரவேற்பு அதிகம், ஆனாலும் சிக்கலில் சிக்கித்தவிக்கும் மஹிந்திரா

Published On 2021-12-21 07:24 GMT   |   Update On 2021-12-21 07:24 GMT
மஹிந்திரா நிறுவனத்தின் புதிய எக்ஸ்.யு.வி.700 மாடலின் காத்திருப்பு காலம் மேலும் அதிகரித்து இருக்கிறது.


மஹிந்திரா நிறுவனம் தனது எக்ஸ்.யு.வி.700 மாடலை இந்த ஆண்டு செப்டம்பர் மாத வாக்கில் இந்திய சந்தையில் அறிமுகம் செய்தது. அறிமுகமானது முதல் இந்த எஸ்.யு.வி. மாடல் இந்தியாவில் அதிக பிரபலமாகி விட்டது. இதுவரை புதிய எக்ஸ்.யு.வி.700 வாங்க சுமார் 75 ஆயிரத்திற்கும் மேற்பட்டோர் முன்பதிவு செய்துள்ளனர்.

எனினும், இந்த காரின் உற்பத்தி எண்ணிக்கை தொடர்ந்து குறைவாகவே இருக்கிறது. தற்போது வெளியாகி இருக்கும் தகவல்களின்படி புதிய எக்ஸ்.யு.வி.700 வாங்க சுமார் 1.5 ஆண்டுகள் வரை காத்திருக்க வேண்டிய சூழல் ஏற்பட்டுள்ளது. எக்ஸ்.யு.வி.700 எம்.எக்ஸ். பெட்ரோல் வேரியண்டை பெற 25 முதல் 27 வாரங்கள் வரையிலும், ஏ.எக்ஸ்.7 லக்சரி பேக் மாடலை பெற அதிகபட்சம் 75 வாரங்கள் வரை காத்திருக்க வேண்டும். 



செமிகண்டக்டர் சிப் குறைபாடு காரணமாக எக்ஸ்.யு.வி.700 காத்திருப்பு காலம் அதிகரித்து இருக்கிறது. காரை வேகமாக டெலிவரி பெற மஹிந்திரா அண்ட் மஹிந்திரா நிறுவனம் வாடிக்கையாளர்களிடம் சில அம்சங்கள் இன்றி பெற்றுக் கொள்ள கேட்டுக்கொண்டு வருகிறது. இவ்வாறு செய்யும் போது காரை சற்று முன்னதாக பெற முடியும்.
Tags:    

Similar News