டிரையம்ப் ராக்கெட் 3 ஜிடி இந்திய வெளியீட்டு தேதி அறிவிப்பு

டிரையம்ப் மோட்டார்சைக்கிள்ஸ் நிறுவனம் ராக்கெட் 3 ஜிடி மாடல் இந்தியாவில் செப்டம்பர் 10 ஆம் தேதி அறிமுகமாகும் என அறிவித்துள்ளது. இது இந்தியாவில் ஏற்கனவே விற்பனையாகும் ராக்கெட் 3 ஆர் மோட்டார்சைக்கிளின் டூரிங் வெர்ஷன் ஆகும். 

புதிய ராக்கெட் 3 ஜிடி மாடலில் பெயரிய விண்ட்ஸ்கிரீன், அட்ஜஸ்ட் செய்யக்கூடிய பில்லியன் ஃபூட் ரெஸ்ட்கள், ஹீட்டெட்க்ரிப்கள் வழங்கப்பட்டு உள்ளன. இவை தவிர இந்த மோட்டார்சைக்கிளில் வேறு எந்த மாற்றங்களும் மேற்கொள்ளப்படவில்லை.

அந்த வகையில் டிரையம்ப் ராக்கெட் 3 மாடலில் 2500சிசி, இன்லைன் 3 சிலிண்டர் என்ஜின் வழங்கப்பட்டு உள்ளது. இது 165 பிஹெச்பி பவர், 221 என்எம் டார்க் செயல்திறன் வழங்குகிறது. இந்த மாடலில் நான்கு ரைடு மோட், டிராக்ஷன் கண்ட்ரோல் சிஸ்டம், கார்னெரிங் ஏபிஎஸ், ஹில்-ஹோல்டு கண்ட்ரோல் உள்ளிட்ட அம்சங்கள் வழங்கப்பட்டு உள்ளன.

இத்துடன் ப்ளூடூத் வசதி கொண்ட ஃபுல் கலர் டிஎஃப்டி டேஷ், கோ ப்ரோ கண்ட்ரோல் வழங்கப்பட்டு உள்ளது. தற்சமயம் விற்பனை செய்யப்படும் டிரையம்ப் ராக்கெட் ஆர் மாடல் விலை ரூ. 18 லட்சம் என நிர்ணயம் செய்யப்பட்டுள்ளது. அந்த வகையில் புது மாடல் விலை ரூ. 18.5 லட்சம் வரை நிர்ணயம் செய்யப்படலாம்.