செய்திகள்
கொரோனா பாதிப்பில் இருந்து மீண்டவர்கள்

இந்தியாவில் கொரோனா பாதிப்பு 95 லட்சத்தை தாண்டியது -94.11 சதவீதம் பேர் குணமடைந்தனர்

Published On 2020-12-03 04:36 GMT   |   Update On 2020-12-03 04:36 GMT
இந்தியாவில் கொரோனாவால் பாதிக்கப்பட்டோரின் மொத்த எண்ணிக்கை 95 லட்சத்தை தாண்டிய நிலையில், 89.73 லட்சம் பேர் குணமடைந்துள்ளனர்.
புதுடெல்லி:

இந்தியாவில் கொரோனா வைரஸ் பரவல் வேகம் படிப்படியாக குறைந்து வருகிறது. கடந்த சில தினங்களாக புதிய பாதிப்பு 40 ஆயிரத்திற்கும் குறைவாகவே உள்ளது. அதேசமயம், நாடு முழுவதும் குணமடையும் எண்ணிக்கை தொடர்ந்து அதிகரித்து வருகிறது. 
 
இந்நிலையில், இன்று காலை மத்திய சுகாதார அமைச்சகம் வெளியிட்ட தகவலின்படி இந்தியாவில் கொரோனாவால் பாதிக்கப்பட்டவர்களின் மொத்த எண்ணிக்கை 95 லட்சத்தை தாண்டியது. மொத்த பாதிப்பு 95,34,965 ஆக உள்ளது. கடந்த 24 மணி நேரத்தில் 35,551 பேருக்கு கொரோனா தொற்று உறுதி செய்யப்பட்டுள்ளது. ஒரே நாளில் 526 பேர் மரணம் அடைந்துள்ளனர். இதன்மூலம் கொரோனா வைரசால் உயிரிழந்தவர்களின் மொத்த எண்ணிக்கை 1,38,648 ஆக உயர்ந்துள்ளது. 

கொரோனா பாதிப்பில் இருந்து குணமடைந்தவர்களின் எண்ணிக்கை 89,73,373 ஆக உயர்ந்துள்ளது. நேற்று மட்டும் 40,726 பேர் குணமடைந்துள்ளனர். நேற்றும் புதிய பாதிப்புகளை விட குணமடைந்தவர்கள் எண்ணிக்கை அதிகமாக உள்ளது.

நாடு முழுவதிலும் உள்ள பல்வேறு மருத்துவமனைகளில் 4,22,943 பேர் சிகிச்சை பெற்றுவருகின்றனர். உயிரிழப்பு 1.45 சதவீதமாக உள்ளது. குணமடையும் விகிதம் 94.11 சதவீதமாக உயர்ந்துள்ளது.
Tags:    

Similar News