அசத்தல் அம்சங்களுடன் டாடா நெக்சான் லிமிட்டெட் எடிஷன்

டாடா மோட்டார்ஸ் நிறுவனத்தின் க்ராஸ் லிமிட்டெட் எடிஷன் கார் இந்தியாவில் அறிமுகம் செய்தது. புதிய டாடா நெக்சான் க்ராஸ் லிமிட்டெட் எடிஷன்: க்ராஸ் மற்றும் க்ராஸ் பிளஸ் என இரு வேரியண்ட்களில் கிடைக்கிறது. இதன் துவக்க விலை ரூ. 7.57 லட்சத்தில் (எக்ஸ்-ஷோரூம்) துவங்கி டாப் எண்ட் மாடல் ரூ. 8.17 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது.

புதிய நெக்சான் க்ராஸ் டாடா மோட்டார்ஸ் நிறுவனத்தின் இரண்டாவது லிமிட்டெட் எடிஷன் மாடல் ஆகும். கடந்த ஆண்டு நெக்சான் க்ராஸ் மாடல் முதல் முறையாக அறிமுகம் செய்யப்பட்டது. தற்சமயம் நெக்சான் காம்பேக்ட் எஸ்.யு.வி. மாடலின் பத்து லட்சம் யூனிட்கள் விற்பனையை கொண்டாடும் வகையில் புதிய லிமிட்டெட் எடிஷன் அறிமுகம் செய்யப்பட்டுள்ளது.

புதிய லிமிட்டெட் எடிஷன் மாடலின் வெளிப்புறம் மற்றும் உள்புறங்களில் அதிகளவு மாற்றங்கள் செய்யப்பட்டு, கார் அழகாகவும், ஸ்போர்ட் தோற்றம் பெற்றிருக்கிறது. வெளிப்புறத்தில் புதிய பிளாக் நிற பெயின்ட், சில்வர் ரூஃப், ORVMகள், முன்புற கிரில், வீல் அக்சென்ட்கள் மற்றும் டெயில் கேட்டில் க்ராஸ் பேட்ஜிங் செய்யப்பட்டுள்ளது.

டாடா நெக்சான் க்ராஸ் மாடல்: 1.2 லிட்டர் ரெவோடிரான் பெட்ரோல் மற்றும் 1.5 லிட்டர் ரெவோடார்க் டீசல் என இருவித என்ஜின் ஆப்ஷன்களில் கிடைக்கிறது. இரு என்ஜின்களும் 6-ஸ்பீடு மேனுவல் கியர்பாக்ஸ் மற்றும் ஆப்ஷனல் AMT வசதியுடன் வழங்கப்படுகிறது.