இனி எல்லோரும் பப்ஜி விளையாடலாம் - இந்தியாவில் புதிய வெர்ஷன் வெளியானது

டென்சென்ட் கேம்ஸ் நிறுவனம் இந்தியாவில் பப்ஜி மொபைல் லைட் கேமினை வெளியிட்டது. கடந்த ஆண்டு ஆகஸ்ட் மாதம் பப்ஜி மொபைல் லைட் கேம் பிலிப்பன்ஸ் நாட்டில் வெளியிடப்பட்டது. பின் பல்வேறு ஆசிய நாடுகளில் பப்ஜி மொபைல் லைட் வெளியான நிலையில், தற்சமயம் இது இந்தியாவிலும் வெளியாகி இருக்கிறது.

புதிய பப்ஜி மொபைல் லைட் வெர்ஷன் குறைந்த மெமரி கொண்ட ஸ்மார்ட்போன்களிலும் இயங்கும் வகையில் பிரத்யேகமாக உருவாக்கப்பட்டுள்ளது. அந்த வகையில் புதிய வெர்ஷன் 400 எம்.பி. அளவில் கிடைக்கிறது. இது 2 ஜி.பி. ரேம் கொண்ட ஸ்மார்ட்போன்களில் சீராக இயங்குகிறது.

பப்ஜி மொபைல் லைட் கேமில் 60 பிளேயர்கள் மட்டும் விளையாடும்படி சிறிய மேப் கொண்டிருக்கிறது. இது கேமின் வேகத்தை சீறாக வைத்துக் கொள்ள உதவுகிறது. புதிய பிளேயர்களுக்கு பல்வேறு ரிவார்டுகள் புதிய கியர் மற்றும் வெஹிகில் வடிவில் வழங்கப்படுகின்றன.

பயனர்கள் பப்ஜி மொபைல் லைட் வெர்ஷனை கூகுள் பிளே ஸ்டோரில் இருந்து டவுன்லோடு செய்து கொள்ளலாம்.