ஆட்டோமொபைல்
பிஎஸ்6 ராயல் என்ஃபீல்டு புல்லட் 350 விலையில் அதிரடி மாற்றம்
ராயல் என்ஃபீல்டு நிறுவனத்தின் புல்லட் 350 பிஎஸ்6 மாடல் விலையில் அதிரடி மாற்றம் செய்யப்பட்டு இருக்கிறது.
ராயல் எனஃபீல்டு நிறுவனம் தனது புல்லட் 350 பிஎஸ்6 மோட்டார்சைக்கிள் மாடல்களின் விலையை உயர்த்தி உள்ளது. புதிய கிளாசிக் மாடல் எக்ஸ், ஸ்டான்டர்டு பிளாக் மற்றும் டாப் எண்ட் எலெக்ட்ரிக் ஸ்டார்ட் மாடல் என மூன்று வேரியண்ட்களில் கிடைக்கிறது.
தற்சமயம் மூன்று மாடல்கலின் விலையிலும் ரூ. 2756 வரை உயர்த்தப்பட்டு உள்ளது. விலை உயர்வின் படி புல்லட் 350 பிஎஸ்6 மாடல் துவக்க விலை ரூ. 127093 என நிர்ணயம் செய்யப்பட்டுள்ளது. இதன் டாப் எண்ட் மாடல் விலை ரூ. 142705 என மாறி இருக்கிறது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.
புல்லட் 350 மாடலில் 346சிசி சிங்கில் சிலிண்டர், ஃபியூயல் இன்ஜெக்ட் செய்யப்பட்ட என்ஜின் வழங்கப்பட்டு உள்ளது. இந்த என்ஜின் 19.1 பிஹெச்பி பவர், 28 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.