ஆட்டோமொபைல்
இணையத்தில் லீக் ஆன ஸ்கோடா பேபியா ஸ்பை படங்கள்
ஸ்கோடா நிறுவனத்தின் புதிய பேபியா மாடல் கார் ஸ்பை படங்கள் இணையத்தில் லீக் ஆகி இருக்கிறது.
ஸ்கோடா நிறுவனத்தின் பேபியா மாடல் ஐரோப்பிய சந்தையில் மிகவும் பிரபல மாடலாக இருக்கிறது. மேலும் இந்தியாவில் 2008 முதல் 2013 வரையிலான காலக்கட்டத்தில் ஸ்கோடா பேபியா மாடல் பிரபலமாக இருந்தது. தற்சமயம் ஸ்கோடா நிறுவனம் நான்காவது தலைமுறை பேபியா மாடலை உருவாக்கி வருகிறது.
புதிய ஸ்கோடா பேபியா மாடல் ஸ்பை படங்கள் இணையத்தில் வெளியாகி இருக்கிறது. புதிய ஸ்பை படங்கள் ஐரோப்பாவில் எடுக்கப்பட்டவை ஆகும். புதிய பேபியா மாடல் ஸ்கோடா ஸ்கேலா மற்றும் புதிய ஆக்டேவியா மாடலை தழுவி உருவாகி இருக்கிறது.
ஸ்கோடா மாடலில் எல்இடி யூனிட் கொண்ட மெல்லிய ஹெட்லேம்ப்கள், டெயில் லைட்கள் வழங்கப்பட்டு இருக்கின்றன. புதிய ஸ்கோடா கார் MQB A0 பிளாட்பார்மில் உருவாகி இருக்கிறது. இந்த பிளாட்பார்ம் அதிக இடவசதி, சவுகரியம் மற்றும் வசதியை வழங்குகிறது.
புதிய பேபியா மாடலில் டிஎஸ்ஐ பெட்ரோல் என்ஜின் வழங்கப்பட்டு இருக்கிறது. இத்துடன் பல்வேறு டிரான்ஸ்மிஷன் வழங்கப்படும் என தெரிகிறது. எனினும், புதிய காரில் டீசல் என்ஜின் வழங்கப்படாது என கூறப்படுகிறது.