ஆட்டோமொபைல்
இரு மாடல்களின் விலையை உயர்த்திய ராயல் என்பீல்டு
ராயல் என்பீல்டு நிறுவனம் இந்திய சந்தையில் இரு மோட்டார்சைக்கிள் மாடல்களின் விலையை உயர்த்தி உள்ளது.
ராயல் என்பீல்டு நிறுவனம் இன்டர்செப்டார் 650 மற்றும் கான்டினென்டல் ஜிடி 650 மோட்டார்சைக்கிள் மாடல்களின் விலையை உயர்த்தி உள்ளது. அதன்படி இன்டர்செப்டார் 650 மாடல் விலை ரூ. 2,69,765 என்றும் கான்டினென்டல் ஜிடி 650 விலை ரூ. 2,85,680 என்றும் மாறி இருக்கின்றன.
விலை தவிர இரு மாடல்களில் வேறு எந்த மாற்றமும் மேற்கொள்ளப்படவில்லை. இரு மாடல்களிலும் 648சிசி, பேரலெல் ட்வின் சிலிண்டர் என்ஜின் வழங்கப்பட்டு இருக்கிறது. இது 47 பிஹெச்பி பவர், 52 என்எம் டார்க் செயல்திறன் வழங்குகிறது.
இத்துடன் ராயல் என்பீல்டு நிறுவனம் இன்டர்செப்டார் 650 மற்றும் கான்டினென்டல் ஜிடி 650 மாடல்களை அலாய் வீல்களுடன் அறிமுகம் செய்யலாம் என எதிர்பார்க்கப்படுகிறது. எனினும், இதுபற்றி ராயல் என்பீல்டு சார்பில் இதுவரை எந்த தகவலும் வழங்கப்படவில்லை.