விரைவில் இந்தியா வரும் ரயல்மி வயர்லெஸ் சார்ஜர்

ரியல்மி பிராண்டின் புதிய என்ட்ரி லெவல் சி11 ஸ்மார்ட்போன் மற்றும் 10000 எம்ஏஹெச் பவர் பேங்க் கடந்த வாரம் அறிமுகம் செய்யப்பட்டன. முன்னதாக இந்த இரண்டு சாதனங்களும் ரியல்மி சப்போர்ட் வலைதள பக்கத்தில் பட்டியலிடப்பட்டு இருந்த தகவல்கள் வெளியாகி இருந்தன.

இந்நிலையில், ரியல்மி சப்போர்ட் வலைதள பக்கத்தில் மற்றொரு புதிய சாதனம் - ரியல்மி 10 வாட் வயர்லெஸ் சார்ஜர் பட்டியலிடப்பட்டு இருக்கிறது. அந்த வகையில், புதிய ரியல்மி வயர்லெஸ் சார்ஜர் விரைவில் அறிமுகம் செய்யப்படும் என எதிர்பார்க்கப்படுகிறது.

ரியல்மி இந்தியா சப்போர்ட் வலைதளத்தில் 10 வாட் வயர்லெஸ் சார்ஜர் பட்டியலிடப்பட்டு இருக்கிறது. எனினும், இதன் வெளியீட்டு தேதி பற்றிய விவரங்கள் ரகசியமாக உள்ளன. எனினும், இந்திய வலைதளத்தில் பட்டியலிடப்பட்டு இருப்பதால், விரைவில் இது அறிமுகமாகும் என கூறப்படுகிறது. 

முன்னதாக ரியல்மி பட்ஸ் ஏர் அறிமுகம் ஆகும் போது, ரியல்மி நிறுவனம் 10 வாட் வயர்லெஸ் சார்ஜர் பற்றிய டீசரை வெளியிட்டது. மேலும் ரியல்மி தலைமை செயல் அதிகாரி மாதவ் சேத் புதிய வயர்லெஸ் சார்ஜர் விரைவில் ரியல்மி வலைதளத்தில் கிடைக்கும் என தெரிவித்து இருந்தார்.