செய்திகள்
கேவி குப்பம் தொகுதி அதிமுக எம்எல்ஏ ஜி லோகநாதன்

கே.வி.குப்பம் தொகுதி அதிமுக எம்எல்ஏ ஜி.லோகநாதனுக்கு கொரோனா

Published On 2020-09-18 02:04 GMT   |   Update On 2020-09-18 02:04 GMT
கே.வி.குப்பம் தொகுதி அதிமுக லோகநாதன் எம்.எல்.ஏ.வுக்கு கொரோனா தொற்று உறுதி செய்யப்பட்டதை தொடர்ந்து அவருடைய குடும்பத்தினருக்கும் தொற்று இருக்கிறதா என்று பரிசோதனை நடத்தப்பட்டது.
வேலூர்:

வேலூர் மாவட்டம் கே.வி.குப்பம் தாலுகா செஞ்சி கிராமத்தை சேர்ந்தவர் ஜி.லோகநாதன். கே.வி.குப்பம் சட்டமன்ற தொகுதி அ.தி.மு.க. எம்.எல்.ஏ.வாக உள்ளார். இவர் தற்போது நடைபெற்ற தமிழக சட்டமன்ற கூட்டத் தொடருக்கு செல்வதற்கு முன்பாக வேலூர் அடுக்கம்பாறை அரசு மருத்துவக் கல்லூரி மருத்துவமனையில் கொரோனா பரிசோதனை செய்து கொண்டார். அதில் அவருக்கு நோய் தொற்று இல்லை என்று தெரியவந்தது.

இந்தநிலையில் அவருக்கு நேற்று முன்தினம் உடல் நிலை சரியில்லாமல் இருந்தது. இதனால் வேலூரில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார். அங்கு அவருக்கு கொரோனா பரிசோதனை செய்யப்பட்டது. அதில் ஜி.லோகநாதன் எம்.எல்.ஏ.வுக்கு கொரோனா தொற்று இருப்பது நேற்று மாலையில் உறுதி செய்யப்பட்டது. அதைத்தொடர்ந்து அவருக்கு சிகிச்சை அளிக்கப்பட்டு வருகிறது. லோகநாதன் எம்.எல்.ஏ.வுக்கு கொரோனா தொற்று உறுதி செய்யப்பட்டதை தொடர்ந்து அவருடைய குடும்பத்தினருக்கும் தொற்று இருக்கிறதா என்று பரிசோதனை நடத்தப்பட்டது.
Tags:    

Similar News