ஓசூர் அருகே பெண்ணிடம் தங்க சங்கிலி பறிப்பு

ஓசூர்:

ஓசூர் காந்திநகரை சேர்ந்தவர் ஷோபா. இவர் குழந்தைகளை பள்ளியில் இருந்து அழைத்து வருவதற்காக சாலையில் நடந்து சென்றார். அப்போது மோட்டார் சைக்கிளில் வந்த மர்ம நபர் ஒருவர் ஷோபாவின் கழுத்தில் இருந்த 7 பவுன் தங்க சங்கிலியை பறித்து சென்று விட்டார். இதுகுறித்து அவர் ஓசூர் டவுன் போலீசில் புகார் செய்தார். அதன்பேரில், போலீசார் வழக்குப்பதிவு செய்து மர்ம நபரை வலைவீசி தேடி வருகிறார்கள்.