இந்தியாவில் மெர்சிடிஸ் பென்ஸ் மாடல்கள் விலையில் மாற்றம்

மெர்சிடிஸ் பென்ஸ் இந்தியா தனது கார் மாடல்கள் விலையை அதிகப்படுத்துவதாக அறிவித்து இருக்கிறது. விலை உயர்வு ஜனவரி 15, 2021 முதல் அமலாக இருக்கிறது. விலை உயர்வு மாடல்களுக்கு 5 சதவீதம் வரை உயர்த்தப்பட இருக்கிறது. 

மெர்சிடிஸ் பென்ஸ் நிறுவனம் தொடர்ந்து புதிய தொழில்நுட்பங்கள் மற்றும் அம்சங்களை வழங்குவதில் தொடர்ந்து முதலீடு செய்து வருகிறது. `தேர்வு செய்யப்பட்ட வாகனங்களுக்கான புதிய விலை பிராண்டின் பிரீமியம் விலையை நிலைநிறுத்தவும், வளர்ச்சி பாதைக்கு கொண்டு செல்லும்' என மெர்சிடிஸ் பென்ஸ் நிறுவனம் தெரிவித்து உள்ளது.

சமீபத்தில் மெர்சிடிஸ் பென்ஸ் நிறுவனம் புதிய எஸ் கிளாஸ் மேஸ்ட்ரோ எடிஷன் மாடலை இந்திய சந்தையில் அறிமுகம் செய்தது. இதன் விலை ரூ. 1.51 கோடி, எக்ஸ்-ஷோரூம் என நிர்ணயம் செய்யப்பட்டு உள்ளது. 

புதிய பென்ஸ் மாடலில் மெர்சிடிஸ் மி கனெக்ட் தொழில்நுட்பம் வழங்கப்பட்டு இருக்கிறது. இந்த அம்சம் கொண்ட முதல் மெர்சிடிஸ் பென்ஸ் மாடல் இது ஆகும்.