விரைவில் அறிமுகமாக இருக்கும் ஹீரோ எக்ஸ்டிரீம் 200எஸ் பிஎஸ்6

ஹீரோ மோட்டோகார்ப் நிறுவனம் பிஎஸ்6 ரக எக்ஸ்டிரீம் 200எஸ் மாடலை விரைவில் அறிமுகம் செய்ய இருக்கிறது. ஏப்ரல் மாதத்தில் பிஎஸ்6 புகை விதிகள் அமலானது முதல் இந்த மாடல் விற்பனையாகாமல் உள்ளது.

2020 எக்ஸ்டிரீம் 200எஸ் மாடலில் ஆயில் கூலர் வசதி வழங்கப்படலாம் என எதிர்பார்க்கப்படுகிறது. இதே வசதி எக்ஸ்பல்ஸ் மாடலிலும் வழங்கப்பட்டு இருந்தது குறிப்பிடத்தக்கது. புதிய எக்ஸ்டிரீம் 200எஸ் அதிக சத்தத்தை எழுப்பாமல், மென்மையாக இருக்கும் என தெரிகிறது.

வடிவமைப்பு முந்தைய மாடலில் இருந்ததை போன்றே காட்சியளிக்கும் என தெரிகிறது. எனினும், இம்முறை புதிய நிற ஆப்ஷன்கள் வழங்கப்படலாம். புதிய மாடலின் பெரும்பாலான அம்சங்கள் பிஎஸ்4 மாடலில் இருந்தது போன்றே வழங்கப்படலாம்.

இந்திய சந்தையில் ஹீரோ மோட்டோகார்ப் நிறுவனம் பிஎஸ்6 ரக எக்ஸ்டிரீம் 200எஸ் மாடல் விலையை ரூ. 1.08 லட்சம், எக்ஸ்-ஷோரூம் வரை நிர்ணயம் செய்யலாம் என தெரகிறது.