ஆட்டோமொபைல்
இணையத்தில் லீக் ஆன ஸ்கோடா ரேபிட் சிஎன்ஜி
ஸ்கோடா ரேபிட் சிஎன்ஜி வேரியண்ட் ஸ்பை படங்கள் இணையத்தில் லீக் ஆகி இருக்கிறது. இதன் விவரங்களை பார்ப்போம்.
ஸ்கோடா நிறுவனம் தனது ரேபிட் சிஎன்ஜி மாடலை இந்திய சாலைகளில் சோதனை செய்து வருகிறது. புதிய சிஎன்ஜி வேரியண்ட் அடுத்த ஆண்டு வாக்கில் அறிமுகம் செய்யப்படலாம் என எதிர்பார்க்கப்படுகிறது.
ஸ்பை படங்கள் ஸ்கோடா ரேபிட் சிஎன்ஜி வேரியண்ட் பியூவல் பம்ப்பில் எரிபொருள் நிரப்பப்படும் போது எடுக்கப்பட்டு இருக்கிறது. பிஎஸ்6 புகைவிதிகள் அமலானதும், ஸ்கோடா டீசல் என்ஜின்களை தனது மாடல்களில் இருந்து நீக்கி, சிஎன்ஜி வசதியை வழங்கி வருகிறது.
தற்சமயம் ஸ்கோடா ரேபிட் மாடலில் 1.0 லிட்டர் டர்போ சார்ஜ் செய்யப்பட்ட பெட்ரோல் என்ஜின் வழங்கப்பட்டு இருக்கிறது. இந்த என்ஜின் 109 பிஹெச்பி பவர், 175 என்எம் டார்க் செயல்திறன் வழங்குகிறது. இத்துடன் 6 ஸ்பீடு மேனுவல் மற்றும் 6 ஸ்பீடு ஆட்டோமேடிக் டிரான்ஸ்மிஷன் யூனிட் வழங்கப்படுகிறது.