லைஃப்ஸ்டைல்
ராகி சாக்லேட் கேக்

வீட்டிலேயே செய்யலாம் ராகி சாக்லேட் கேக்

Published On 2019-11-07 08:34 GMT   |   Update On 2019-11-07 08:34 GMT
வீட்டிலேயே கேக் செய்வது மிகவும் எளிமையானது. இன்று கேழ்வரகு, சாக்லேட் சேர்த்து கேக் செய்வது எப்படி என்று பார்க்கலாம்.
தேவையான பொருட்கள் :

கேழ்வரகு மாவு - 35 கிராம்
கோதுமை மாவு - 35 கிராம்
வெண்ணெய் - 40 கிராம்
சர்க்கரை - 65 கிராம்
பேக்கிங் பவுடர் - கால் டீஸ்பூன்
கோக்கோ பவுடர் - 1 டேபிள் ஸ்பூன்
உப்புத் தண்ணீர் - ஒன்றே கால் டீஸ்பூன்
எண்ணெய் - ஒன்றே கால் டீஸ்பூன்
சாக்லேட் எசென்ஸ் - 1 டீஸ்பூன்
முட்டை - 1
சாக்லேட் துகள்கள் - தேவையான அளவு



செய்முறை:

கேழ்வரகு மாவு, கோதுமை மாவு, பேக்கிங் பவுடர், கோக்கோ பவுடர் மூன்றையும் சேர்த்துக் சலித்து வைத்துக் கொள்ளவும்.

ஒரு பாத்திரத்தில் வெண்ணெய் மற்றும் சர்க்கரையைத் சேர்த்து சிறிது நேரத்துக்கு நன்றாகக் கலக்கவும்.

பின்னர் அதனுடன் முட்டை சேர்த்து நன்கு அடிக்கவும்.

இதனுடன் உப்புத் தண்ணீர் மற்றும் எண்ணெயைச் சேர்த்து நன்றாக கலக்கவும்.

அனைத்து நன்றாக கலந்தவுடன் சலித்த மாவுகளை சிறிது சிறிதாக சேர்த்து நன்றாகப் பொங்கி வரும் வரை கலக்கவும்.

கடைசியாக சாக்லெட் எசென்ஸ் ஊற்றி கலக்கி விடவும்.

எல்லாவற்றையும் ரெடி செய்தவுடன் கேக் செய்யும் பாத்திரத்தில் ஒரு டீஸ்பூன் அளவு எண்ணெய் தடவி, அதன் மேல் சிறிது கோதுமை மாவு தூவி, பாத்திரம் முழுக்கப் பரப்பி விடவும்.

அதன் மேல் கேக் மாவைக் கொட்டவும். கேக் பாத்திரத்தை லேசாக தரையில் தட்டி சமன்படுத்தவும்.

இதை குக்க‌ரில் வைத்து 25-30 நிமிடம் மிதமான சூட்டில் வேக வைத்து இறக்கி விடவும்.

கேக் ஆறியதும் கிரீம் தடவி சாக்லெட் துகள் களைத் தூவி அழகுபடுத்தி பரிமாறவும்.

சூப்பரான ராகி சாக்லேட் கேக் ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News