திரிணாமுல் காங்கிரசில் இணைந்த மனைவியை விவாகரத்து செய்ய முடிவு செய்த பாஜக எம்.பி - அரசியலால் பிரிந்த குடும்பம்

கொல்கத்தா:

மேற்கொண்டு வருகிறது.

திரிணாமுல் காங்கிரசில் இருந்து 35-க்கும் அதிகமான தலைவர்கள் பாஜகவில் இணைந்துள்ளனர். பாஜகவில் இருந்தும் பலர் திரிணாமுல் காங்கிரசில் இணைகின்றனர். இந்நிலையில், இந்த அரசியல் மோதலில் ஒரு குடும்பமே இரண்டாக பிரிந்துள்ளது.

திரிணாமுல் காங்கிரஸ் கட்சியில்  மனைவி இணைந்ததால் கோபம் அடைந்த பாஜக எம்.பி, மனைவியை விவகாரத்து செய்ய இருப்பதாக கூறியுள்ளார்.
பாஜக எம்.பி சவுமித்ரா கானின் மனைவி பெயர் சுஜாதா மோண்டல் கான். இவரும் பாஜகவில் முக்கிய பொறுப்புகளை வகித்துவந்துள்ளார்.

இந்நிலையில், சுஜாதா மேண்டல் கான் இன்று திரிணாமுல் காங்கிரசில் இணைந்தார். இதனால், கடும் அதிருப்தியும் கோபமும் அடைந்த கணவரும் பாஜக எம்.பி. சவுமித்ரா கான் தனது மனைவியை விவாகரத்து செய்யப்போவதாக அறிவித்துள்ளார்.


தேர்தலில் சவுமித்ரா கான் வெற்றிபெற அவரது மனைவி சுஜாதாவின் தேர்தல் பிரசாரம் முக்கிய பங்கு வகிக்கிறது. தேர்தலில் தனது கணவர் வெற்றிக்கு கடுமையாக பாடுபட்ட போதும் தனக்கு பாஜகவில் உரிய அங்கீகாரம் வழங்கப்படவில்லை என சுஜாதா குற்றம் சாட்டினார்.


திரிணாமுல் காங்கிரசில் இணைந்த சுஜாதா கான் செய்தியாளர்களிடம் கூறுகையில், அரசியல் வேறு குடும்பம் வேறு.  அவர் (கணவர்) என்ன செய்ய வேண்டும் என நினைக்கிறாரோ அதை செய்யட்டும். ஆனால், ஒரு நாள் கண்டிப்பாக உணர்வார் எனக்கு நம்பிக்கை உள்ளது. திரிணாமூல் காங்கிரஸ் கட்சிக்கு கூட அவர் வரலாம்” என்றார்.

அரசியலால் கணவன் மனைவி இடையே பிரச்சனை ஏற்பட்டு ஒரு குடும்பமே பிரிந்த சம்பவம் மேற்குவங்காளத்தில் பரபரப்பை ஏற்படுத்தியுள்ளது.