வால்வோ பெட்ரோல் ஹைப்ரிட் மாடல்கள் இந்தியாவில் அறிமுகம்

வால்வோ கார்ஸ் இந்தியா நிறுவனம் எஸ்90 மற்றும் எக்ஸ்.சி.60 பெட்ரோல் ஹைப்ரிட் மாடல்களை இந்திய சந்தையில் அறிமுகம் செய்தது. இதன் விலை ரூ. 61.90 லட்சம் (எக்ஸ்-ஷோரூம்) என நிர்ணயம் செய்யப்பட்டு உள்ளது. 

புதிய எஸ்90 மற்றும் எக்ஸ்.சி.60 மாடல்களில் உள்ள மைல்டு ஹைப்ரிட் தொழில்நுட்பம் பிரேக் எனர்ஜியை கொண்டு 48 வோல்ட் பேட்டரியை சார்ஜ் செய்யும். காரில் பிரேக் பயன்படுத்தும் போது பேட்டரி சார்ஜ் ஆகும். இது கார் வெளிப்படுத்தும் காற்று மாசு அளவையும் குறைக்கிறது. 

சிறப்பம்சங்களை பொருத்தவரை வால்வோ எஸ்90 மாடல் 250 ஹெச்.பி. திறன் மற்றும் 350 நியூட்டன் மீட்டர் டார்க் இழுவிசையை வழங்குகிறது. இந்த கார் வைட், பிளாக், கிரே மற்றும் புளூ என நான்கு நிறங்களில் கிடைக்கிறது.

எக்ஸ்.சி.90 மாடலும் 250 ஹெச்.பி. திறன் மற்றும் 350 நியூட்டன் மீட்டர் டார்க் இழுவிசையை வழங்குகிறது. இந்த கார் வைட், பிளாக், ஆஸ்மியம் கிரே, பைன் கிரே, ரெட் மற்றும் புளூ என ஆறு நிறங்களில் கிடைக்கிறது.