தொழில்நுட்பச் செய்திகள்
சியோமி ஸ்மார்ட்போன்

சியோமி 11 சீரிஸ் 5ஜி ஸ்மார்ட்போன் இந்திய வெளியீட்டு விவரம்

Published On 2021-12-22 10:40 GMT   |   Update On 2021-12-22 10:40 GMT
சியோமி நிறுவனத்தின் 11ஐ சீரீஸ் ஸ்மார்ட்போன்களின் இந்திய வெளியீட்டு தேதி அறிவிக்கப்பட்டு இருக்கிறது.


சியோமி நிறுவனம் தனது 11ஐ சீரிஸ் ஸ்மார்ட்போன்கள் இந்தியாவில் ஜனவரி 6 ஆம் தேதி அறிமுகமாகும் என அறிவித்து இருக்கிறது. புதிய 11ஐ சீரிசில் சியோமி 11ஐ மற்றும் சியோமி 11ஐ ஹைப்பர்சார்ஜ் என இரு மாடல்கள் அடங்கும். 

சியோமி 11ஐ ஹைப்பர்சார்ஜ் 120 வாட் பாஸ்ட் சார்ஜிங் கொண்ட இந்தியாவின் முதல் ஸ்மார்ட்போன் என்ற பெருமையை கொண்டிருக்கும் என தெரிகிறது. இந்த ஸ்மார்ட்போன் 100 சதவீதம் சார்ஜ் ஆக 15 நிமிடங்களே ஆகும். இரு ஸ்மார்ட்போன்களும் அக்டோபர் மாத வாக்கில் சீன சந்தையில் ரெட்மி நோட் 11 ப்ரோ மற்றும் ரெட்மி நோட் 11 ப்ரோ பிளஸ் பெயரில் அறிமுகம் செய்யப்பட்து.

புது ஸ்மார்ட்போன்களின் வெளியீட்டை உணர்த்தும் டீசரில், புதிய மாடல்கள் பிளாக், கிரீன், பர்ப்பில் மற்றும் புளூ நிறங்களில் கிடைக்கும் என தெரியவந்துள்ளது. மேலும் இந்த ஸ்மார்ட்போன்கள் ப்ளிப்கார்ட் தளத்தில் விற்பனை செய்யப்பட இருக்கின்றன. இதுதவிர எம்.ஐ. வலைதளம் மற்றும் ஆப்லைன் ஸ்டோர்களிலும் கிடைக்கும்.
Tags:    

Similar News