தொழில்நுட்பம்
மோட்டோ இ6 பிளே

இணையத்தில் லீக் ஆன மோட்டோ ஸ்மார்ட்போன்

Published On 2019-10-18 11:31 GMT   |   Update On 2019-10-18 11:31 GMT
மோட்டோரோலா நிறுவனத்தின் புதிய மோட்டோ இ6 பிளே ஸ்மார்ட்போன் இணையத்தில் வெளியாகியுள்ளது.



மோட்டோரோலா நிறுவனத்தின் மோட்டோ இ6 பிளே ஸ்மார்ட்போனின் புகைப்படங்கள் இணையத்தில் வெளியாகியுள்ளது. விரைவில் அறிமுகம் செய்யப்பட இருக்கும் மோட்டோ இ6 பிளே ஸ்மார்ட்போன் பார்க்க மோட்டோ இ6 போன்றே காட்சியளிக்கிறது.



இதுவரை வெளியாகி இருக்கும் தகவல்களின்படி மோட்டோ இ6 பிளே ஸ்மார்ட்போனில் 16:9 டிஸ்ப்ளே, நாட்ச் இல்லாமல் வழங்கப்பட்டுள்ளது. இத்துடன் ஹெச்.டி. ரெசல்யூஷன் கொண்டிருக்கும் என தெரிகிறது. பின்புறம் ஒற்றை பிரைமரி கேமரா, எல்.இ.டி. ஃபிளாஷ், கைரேகை சென்சார் வழங்கப்படுகிறது.

ஸ்மார்ட்போனின் கீழ்புறத்தில் மைக்ரோ யு.எஸ்.பி. போர்ட், 3.5 எம்.எம். ஹெட்போன் ஜாக் வழங்கப்படலாம். இந்த ஸ்மார்ட்போன் பிளாக் மற்றும் புளு என இருவித நிறங்களில் வெளியாகலாம் என்றும் இதில் கிரேடியன்ட் ஃபினிஷ் செய்யப்பட்டிருக்கிறது. 

Tags:    

Similar News