இந்திய விற்பனையில் தொடர்ந்து அசத்தும் நெக்சான் இவி

டாடா மோட்டார்ஸ் நிறுவனத்தின் எலெக்ட்ரிக் காம்பேக்ட் எஸ்.யு.வி. மாடல் இந்திய எலெக்ட்ரிக் வாகனங்கள் பிரிவில் அதிகம் விற்பனையாகி இருக்கிறது. ஜூன் 2021 மாதத்தில் நெக்சான் இ.வி. மாடல் 650 யூனிட்கள் விற்பனையாகி இருக்கிறது. இது முந்தைய மாத விற்பனையுடன் ஒப்பிடும் போது 33.7 சதவீதம் அதிகம் ஆகும். 

இந்திய எலெக்ட்ரிக் வாகனங்கள் பிரிவில் நெக்சான் இவி மட்டும் 71 சதவீத பங்குகளை பெற்று இருக்கிறது. 2021 மே மாதத்தில் எம்.ஜி. இசட்.எஸ். 102 யூனிட்களை விற்பனை செய்து இருந்தது. இதைத் தொடர்ந்து எம்.ஜி. இசட்.எஸ். இவி மாடல் 250 யூனிட்கள் விற்பனையாகி இருக்கிறது. இந்த கார் 27.3 சதவீத பங்குகளை பெற்று இருக்கிறது.

டாடா டிகோர் இவி மற்றும் ஹூண்டாய் கோனா இவி மாடல்கள் முறையே 8 மற்றும் 7 யூனிட்கள் விற்பனையாகி இருக்கின்றன. கடந்த ஆண்டு ஜனவரி மாதம் அறிமுகமானது முதல் நெக்சான் இ.வி. மாடல் இதுவரை 5500 யூனிட்கள் விற்பனையாகி இருக்கின்றன. நெக்சான் இவி மாடலில் 30.2kWh பேட்டரி வழங்கப்பட்டு இருக்கிறது. 

இந்த எலெக்ட்ரிக் மோட்டார் 127 பி.ஹெச்.பி. பவர், 245 நியூட்டன் மீட்டர் டார்க் இழுவிசையை வழங்குகிறது. இத்துடன் ஆட்டோமேடிக் டிரான்ஸ்ஷன் வழங்கப்படுகிறது.