ஓலா எஸ்1 சீரிஸ் எலெக்ட்ரிக் ஸ்கூட்டர் விற்பனை துவக்கம்

ஓலா எலெக்ட்ரிக் நிறுவனத்தின் எஸ்1 சீரிஸ் எலெக்ட்ரிக் ஸ்கூட்டர்கள் விற்பனை துவங்கியது. முன்னதாக இம்மாத துவக்கத்திலேயே விற்பனை துவங்க இருந்த நிலையில், இன்று (செப்டம்பர் 15) இதன் விற்பனை துவங்கி இருக்கிறது.

புதிய எலெக்ட்ரிக் ஸ்கூட்டர்களுக்கான விற்பனை அதிகாலை 5 மணிக்கு துவங்கியது. இம்முறை எவ்வித தொழில்நுட்ப இடையூறும் ஏற்படவில்லை என ஸ்கூட்டரை வாங்கியவர்கள் ட்விட்டரில் தெரிவித்துள்ளனர். ஆன்லைனில் வாங்கியதும், ஸ்கூட்டர் வாடிக்கையாளர்களின் வீட்டு வாசலில் டெலிவரி செய்யப்படுகிறது.

கடன் மற்றும் மாத தவணை முறை திட்டங்களை வழங்க ஓலா எலெக்ட்ரிக் நிறுவனம் பல்வேறு நிதி நிறுவனங்களுடன் கூட்டணி அமைத்து இருக்கிறது. முன்பதிவு மற்றும் முன்பணம், எலெக்ட்ரிக் ஸ்கூட்டர் உற்பத்தி ஆலையில் இருந்து வினியோகம் செய்ய வெளியேற்றப்படும் முன் வரை எப்போது வேண்டுமானாலும் திரும்ப பெறலாம்.