தொழில்நுட்பம்
ஜெப் சவுண்ட் பாம்ப் கியூ ப்ரோ

குறைந்த விலையில் ட்ரூ வயர்லெஸ் இயர்பட்ஸ் அறிமுகம்

Published On 2020-12-19 05:04 GMT   |   Update On 2020-12-19 05:04 GMT
ஜெப்ரானிக்ஸ் நிறுவனம் இந்திய சந்தையில் குறைந்த விலை ட்ரூ வயர்லெஸ் இயர்பட்ஸ் மாடலை அறிமுகம் செய்து இருக்கிறது.


ஜெப்ரானிக்ஸ் நிறுவனம் ஜெப் சவுண்ட் பாம்ப் கியூ ப்ரோ ட்ரூ வயர்லெஸ் பட்ஸ் மாடலை இந்திய சந்தையில் அறிமுகம் செய்து இருக்கிறது. புதிய இயர்பட்ஸ் IPX7 தர வாட்டர் ரெசிஸ்டண்ட் வசதி, வயர்லெஸ் சார்ஜிங், அதிகபட்சம் 35 மணி நேர பிளே பேக் வழங்குகிறது.

புதிய ஜெப் சவுண்ட் பாம்ப் கியூ ப்ரோ மாடல் வாட்டர் ரெசிஸ்டண்ட் டிசைன் கொண்டிருப்பதோடு குவால்காம் ஆப்ட் எக்ஸ் சிப்செட் மற்றும் டைப் சி ரக சார்ஜிங் வசதி கொண்டிருக்கிறது. இந்த இயர்பட்ஸ் ஒருமுறை சார்ஜ் செய்தால் 6 முதல் 8 மணி நேரம் வரை பயன்படுத்த முடியும்.



மேலும் சார்ஜிங் கேஸ் சேர்க்கும் போது அதிகபட்சம் 35 மணி நேரத்திற்கு பயன்படுத்த முடியும். இந்த இயர்பட்ஸ் வாய்ஸ் அசிஸ்டண்ட் வசதி, டச் கண்ட்ரோல் வசதி வழங்கப்பட்டு உள்ளது. இத்துடன் ஒற்றை டச் மூலம் பல்வேறு அம்சங்களை இயக்கும் வசதி வழங்கப்பட்டு இருக்கிறது.

இந்தியாவில் புதிய ஜெப் சவுண்ட் பாம்ப் கியூ ப்ரோ மாடல் விலை ரூ. 2799 எனும் சிறப்பு விலையில் ப்ளிப்கார்ட் தளத்தில் விற்பனை செய்யப்படுகிறது. இதன் உண்மை விலை ரூ. 3799 ஆகும்.  
Tags:    

Similar News