தொழில்நுட்பம்
ரூ. 8000 பட்ஜெட்டில் டூயல் கேமரா, ஃபுல் வியூ டிஸ்ப்ளே ஸ்மார்ட்போன் அறிமுகம்
லாவா நிறுவனத்தின் புதிய ஸ்மார்ட்போன் பட்ஜெட் விலையில் இந்தியாவில் அறிமுகம் செய்யப்பட்டுள்ளது. இதில் டூயல் கேமரா, ஃபுல் வியூ டிஸ்ப்ளே வழங்கப்பட்டுள்ளது.
லாவா நிறுவனம் இசட்93 ஸ்மார்ட்போனினை இந்தியாவில் அறிமுகம் செய்துள்ளது. புதிய இசட்93 ஸ்மார்ட்போன் அந்நிறுவனத்தின் இசட்92 மாடலின் மேம்பட்ட வெர்ஷன் ஆகும். புதிய லாவா இசட்93 ஸ்மார்ட்போனில் டூயல் பிரைமரி கேமரா, ஸ்மார்ட் ஏ.ஐ. கேமிங் மோட், ஆக்டா-கோர் பிராசஸர் உள்ளிட்ட அம்சங்கள் வழங்கப்பட்டுள்ளன.
இத்துடன் புதிய ஸ்மார்ட்போனில் 6.22 இன்ச் ஃபுல் வியூ டிஸ்ப்ளே, டியூ டிராப் நாட்ச் மற்றும் 1520x720 பிக்சல் ரெசல்யூஷன் கொண்டிருக்கிறது. 2.0 ஜிகாஹெர்ட்ஸ் ஆக்டா-கோர் மீடியாடெக் ஹீலியோ பி22 பிராசஸர், 3 ஜி.பி. ரேம், 32 ஜி.பி. மெமரி, கைரேகை சென்சார் மற்றும் ஃபேஸ் அன்லாக் அம்சங்கள் வழங்கப்பட்டுள்ளன.
புகைப்படங்களை எடுக்க 13 எம்.பி. + 2 எம்.பி. டூயல் கேமரா சென்சார், எல்.இ.டி. ஃபிளாஷ், f/1.8 வழங்கப்பட்டுள்ளது. முன்புறம் 8 எம்.பி. செல்ஃபி கேமரா, சாஃப்ட் ஃபிளாஷ் வழங்கப்பட்டுள்ளது. இதில் 6 லெவல் ஏ.ஐ. போட்டோ ஸ்டூடியோ, ப்ரோ மோட் பானரோமா, ஏ.ஆர். ஸ்டிக்கர் மற்றும் ஹெச்.டி.ஆர். மோட் வழங்கப்பட்டுள்ளது.
லாவா இசட்93 சிறப்பம்சங்கள்
- 6.22 இன்ச் 1520x720 பிக்சல் ஹெச்.டி. பிளஸ் 19:9 ஐ.பி.எஸ். 2.5D வளைந்த கிளாஸ் டிஸ்ப்ளே
- 2.0 ஜிகாஹெர்ட்ஸ் ஆக்டா-கோர் மீடியாடெக் ஹீலியோ பி22 12 என்.எம். பிராசஸர்
- 650MHz IMG PowerVR GE8320 GPU
- 3 ஜி.பி. ரேம்
- 32 ஜி.பி. மெமரி
- மெமரியை கூடுதலாக நீட்டிக்கும் வசதி
- டூயல் சிம் ஸ்லாட்
- ஆண்ட்ராய்டு 9 பை
- 13 எம்.பி. பிரைமரி கேமரா, எல்.இ.டி. ஃபிளாஷ்
- 8 எம்.பி. செல்ஃபி கேமரா
- கைரேகை சென்சார்
- 4ஜி வோல்ட்இ, வைபை, ப்ளூடூத்
- 3500 எம்.ஏ.ஹெச். பேட்டரி
லாவா இசட்93 ஸ்மார்ட்போன் சார்கோல் புளு மற்றும் ராயல் புளு என இருவித நிறங்களில் கிடைக்கிறது. இந்தியாவில் இதன் விலை ரூ. 7,999 என நிர்ணயிக்கப்பட்டுள்ளது.