வயிறு தொடர்பான நோய் வராமல் தடுக்கும் புதினா சூப்

Published On 2019-11-05 04:36 GMT | Update On 2019-11-05 04:36 GMT

ஆரோக்கியமானது புதினாக்கீரை சூப். இந்த சூப்பை தொடர்ந்து குடித்து வந்தால் வயிற்று வலி, அஜீரணம், வயிறு தொடர்பான அனைத்து பிரச்சனைகளும் குறையும்.

தேவையான பொருள்கள்:

புதினா - 1 கட்டு
பூண்டு- பாதி (சிறியது)
மிளகு - 2 ஸ்பூன்
சீரகம் - 1 ஸ்பூன்
சின்ன வெங்காயம் - 10
எலுமிச்சை பழம் - பாதி

உப்பு - தேவையான அளவு

செய்முறை:

புதினாவை சுத்தம் செய்து பொடியாக நறுக்கி கொள்ளவும்.

பூண்டு, மிளகு மற்றும் சீரகத்தை சிறிது தட்டி வைத்து கொள்ளவும்.

சின்ன வெங்காயத்தை தோல் நீக்கி பொடியாக நறுக்கி கொள்ளவும்.

வாணலியில் தினாவை போட்டு நீர் விட்டு நன்கு கொதிக்க வைத்து கொதித்ததும் தட்டி வைத்த பூண்டு, மிளகு, சீரகத்தை போட்டு மீண்டும் கொதிக்க விடவும்.

சூப் பதம் வந்ததும் கடைசியாக எலுமிச்சை பழத்தை பிழிந்து ஊற்றி இறக்கி பரிமாறவும்.

சுவையான, ஆரோக்கியமான புதினாக்கீரை சூப் தயார். இதை தொடர்ந்து குடித்து வந்தால் வயிறு சம்பந்தப்பட்ட எந்த நோய்களும் வராமல் தடுக்கலாம்.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.