வங்காள நடிகையான புதுமுக பெண் எம்.பி.க்கு துருக்கியில் திருமணம்

இஸ்தான்புல்:

பாராளுமன்ற தேர்தலில் பசிராத் தொகுதியில் திரிணாமுல் காங்கிரஸ் சார்பில் நிறுத்தப்பட்ட வங்காள நடிகை நுஸ்ரத் ஜஹான், மூன்றரை லட்சம் ஓட்டு வித்தியாசத்தில் அமோக வெற்றி பெற்றார். அவருக்கு வயது 29. பிரசாரத்தின்போது, இவரைக் காண பெரும் கூட்டம் கூடியது.
முதல்முறை எம்.பி.யாகி உள்ள நுஸ்ரத் ஜஹானுக்கு துருக்கி நாட்டில் உள்ள போட்ரம் நகரில் நேற்று முன்தினம் திருமணம் நடைபெற்றது. மணமகன், தொழிலதிபர் நிகில் ஜெயின் ஆவார்.

நுஸ்ரத் ஜஹானின் பெற்றோர், சகோதரி மற்றும் இதர நெருங்கிய உறவினர்கள், நண்பர்கள், நுஸ்ரத் ஜஹானின் நெருங்கிய தோழியும், அவரைப்போல் எம்.பி. ஆகி உள்ள வங்காள நடிகையுமான மிமி சக்ரவர்த்தியும் திருமணத்தில் கலந்துகொண்டனர். திருமணத்தில் மணமகனுடன் எடுத்துக்கொண்ட புகைப்படத்தை நுஸ்ரத் ஜஹான் தனது சமூக வலைத்தள பக்கத்தில் வெளியிட்டுள்ளார்.