திருப்பதி கோவிந்தராஜ சாமி கோவிலில் வருடாந்திர பிரம்மோற்சவம்

திருப்பதி கோவிந்தராஜசாமி கோவிலில் நாளை (செவ்வாய்க்கிழமை) முதல் வருகிற 26-ந்தேதி வரை வருடாந்திர பிரம்மோற்சவ விழா நடக்கிறது.

அதையொட்டி இன்று (திங்கட்கிழமை) மாலை அங்குரார்ப்பணம் நடக்கிறது.

நாளை காலை 7.55 மணியில் இருந்து காலை 8.30 மணி வரை மிதுன லக்னத்தில் கொடியேற்றம், இரவு பெரிய சேஷ வாகன சேவை, 19-ந் தேதி காலை சிறிய சேஷ வாகன சேவை, இரவு ஹம்ச வாகன சேவை, 20-ந்தேதி காலை சிம்ம வாகன சேவை,

இரவு முத்துப்பந்தல் வாகன சேவை, 21-ந்தேதி காலை கல்ப விருட்ச வாகன சேவை, இரவு சர்வ பூபால வாகன சேவை, 22-ந்தேதி காலை மோகினி அவதாரத்தில் பல்லக்கு வாகன சேவை, இரவு கருடா சேவை, 23-ந்தேதி காலை அனுமன் வாகன சேவை, மாலை வசந்தோற்சவம், இரவு யானை வாகன சேவை, 24-ந்தேதி காலை சூரிய பிரபை வாகன சேவை, இரவு சந்திர பிரபை வாகன சேவை, 25-ந்தேதி பாகி தேர், இரவு குதிரை வாகன சேவை, 26-ந்தேதி மதியம் சக்கர ஸ்நானம், இரவு கொடியிறக்கம் நடக்கிறது.