புதிய ஐ20 என்ட்ரி லெவல் மாடல் விரைவில் அறிமுகமாகும் என தகவல்

ஹூண்டாய் நிறுவனம் சமீபத்தில் தனது ஐ20 பிரீமியம் ஹேட்ச்பேக் மாடலை இந்திய சந்தையில் அறிமுகம் செய்தது. தற்தசமயம் புதிய ஹூண்டாய் ஐ20 மாடல் இந்திய சந்தையில் அமோக வரவேற்பு பெற்று வருகிறது. இந்த மாடல் பல்வேறு வேரியண்ட்கள், பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது.

அந்த வகையில் தற்சமயம் வெளியாகி இருக்கும் தகவல்களில் புதிய தலைமுறை ஐ20 மாடல் பேஸ் வேரியண்ட் ஒன்று இரா எனும் பெயரில் அறிமுகமாகும் என கூறப்படுகிறது. ஆர்டிஒ அரசு ஆவணம் மூலம் புதிய பேஸ் வேரியண்ட் விவரங்கள் வெளியாகி உள்ளது.

புதிய பேஸ் வேரியண்ட் பற்றிய தகவல்களை ஹூண்டாய் இதுவரை வெளியிடவில்லை. முன்னதாக பலமுறை ஹூண்டாய் தனது வாகனங்களின் பேஸ் வேரியண்ட்டை அறிமுகம் செய்து இருக்கிறது. இதனால் புதிய ஐ20 மாடலின் இரா பேஸ் வேரியண்ட் விரைவில் அறிமுகம் செய்யப்படலாம் என எதிர்பார்க்கப்படுகிறது.