கைவிரலில் முறிவு: 12 வாரங்கள் விளையாட முடியாததால் சொந்த நாடு திரும்புகிறார் பென் ஸ்டோக்ஸ்

ஐபிஎல் தொடரில் ராஜஸ்தான் ராயல்ஸ்- பஞ்சாப் கிங்ஸ் அணிகள் மோதிய லீக் ஆட்டம் ஏப்ரல் 12-ந்தேதி மும்பை வான்கடே மைதானத்தில் நடைபெற்றது. கிறிஸ் கெய்ல் அடித்த பந்தை பென் ஸ்டோக்ஸ் பிடித்தார். அப்போது பென் ஸ்டோக்ஸின் கைவிரலில் காயம் ஏற்பட்டது.

இதனால் இத்தொடர் முழுவதும் பென் ஸ்டோக்ஸ் விளையாடமாட்டார். ஆனால் அணியுடன் இருந்து வீரர்களுக்கு ஆலோசனை வழங்குவார் என ராஜஸ்தான் ராயல்ஸ் அணி தெரிவித்திருந்தது. இதனால் நேற்று டெல்லிக்கு எதிரான போட்டியில் அவர் களம் இறங்கவில்லை.

இந்த நிலையில் மீண்டும் எக்ஸ்-ரே மற்றும் சிடி ஸ்கேன் எடுக்கப்பட்டது. அதில், இடது கை விரலில் முறிவு ஏற்பட்டுள்ளது தெளிவானது. இதனால் பென் ஸ்டோக்ஸ் 12 வாரங்கள் கிரிக்கெட் விளையாட முடியாது என்று தெரிவிக்கப்பட்டுள்ளது. இதனால் சொந்த நாடு திரும்புகிறார். நாளை இங்கிலாந்து புறப்படும் பென் ஸ்டோக்ஸ், பின்னர் அறுவை சிகிச்சை செய்து கொள்கிறார்.