செய்திகள்
கோல் அடித்த டேவிட் வில்லியம்ஸ்

ஐஎஸ்எல் கால்பந்து - சென்னையை வீழ்த்தி 2வது வெற்றியை பெற்றது கொல்கத்தா

Published On 2019-10-30 16:24 GMT   |   Update On 2019-10-30 16:24 GMT
டெல்லியில் நடைபெற்ற ஐ.எஸ்.எல். கால்பந்து போட்டியில் சென்னை அணியை வீழ்த்தி கொல்கத்தா அணி இரண்டாவது வெற்றியை பதிவு செய்தது.
புதுடெல்லி:

10 அணிகள் இடையிலான 6-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடந்து வருகிறது.

டெல்லியில் உள்ள ஜவகர்லால் நேரு மைதானத்தில் இன்று இரவு நடைபெற்ற லீக் ஆட்டத்தில் சென்னையின் எப்.சி, கொல்கத்தா அணிகள் மோதின.

ஆட்டத்தின் தொடக்கம் முதல் இரு அணிகளும் கோல் அடிக்கவில்லை. இதனால் முதல் பாதியின் முடிவில் 0-0 என சமனிலை வகித்தன.

ஆட்டத்தின் இரண்டாவது பாதியில் 48வது நிமிடத்தில் கொல்கத்தா அணி வீரர் டேவிட் வில்லியம்ஸ் ஒரு கோல் அடித்து தனது அணியை முன்னிலைப்படுத்தினார். அதன்பின் இரு அணி வீரர்களும் கோல் அடிக்க முடியவில்லை.

இறுதியில், கொல்கத்தா அணி 1-0 என்ற கோல் கணக்கில் சென்னையின் எப்.சி. அணியை வீழ்த்தியது. இந்த வெற்றியின் மூலம் இரண்டாவது வெற்றியை பதிவுசெய்துள்ள கொல்கத்தா அணி புள்ளிப் பட்டியலில் முதலிடம் பிடித்துள்ளது.
Tags:    

Similar News