திருப்பதி கோவிலில் ஜூலை மாத உண்டியல் வருமானம் ரூ.16 கோடியே 69 லட்சம்

திருப்பதி ஏழுமலையான் கோவிலில் கடந்த ஜூலை மாதம் 2 லட்சத்து 38 ஆயிரம் பக்தர்கள் சாமி தரிசனம் செய்துள்ளனர். உண்டியல் வருமானமாக ரூ.16 கோடியே 69 லட்சம் கிடைத்துள்ளது.

லட்டு பிரசாதம் 11 லட்சத்து 35 ஆயிரம் விற்பனை செய்யப்பட்டுள்ளன. அன்னப்பிரசாதம் 2 லட்சத்து 59 ஆயிரம் பேருக்கு வழங்கப்பட்டுள்ளது. கல்யாண கட்டாக்களில் 78 ஆயிரத்து 944 பக்தர்கள் தங்களின் தலைமுடியை காணிக்கையாக செலுத்தி உள்ளனர். கல்யாண கட்டா ஊழியர்களுக்கு 350 முகக் கவசம் வழங்கப்பட்டுள்ளது.

இந்த தகவல்களை தேவஸ்தான அதிகாரிகள் தெரிவித்துள்ளனர்.