ஹூண்டாய் ஐ10 கிராண்ட் நியாஸ் சிஎன்ஜி அறிமுகம்

ஹூண்டாய் நிறுவனம் இந்தியாவில் கிராண்ட் ஐ10 நியாஸ் சிஎன்ஜி மாடலை அறிமுகம் செய்துள்ளது. புதிய ஹூண்டாய் கிராண்ட் ஐ10 நியாஸ் சிஎன்ஜி மாடல் இரண்டு வேரியண்ட்களில் கிடைக்கிறது. இதன் துவக்க விலை ரூ. 6.63 லட்சம், எக்ஸ் ஷோரூம் என நிர்ணயம் செய்யப்பட்டுள்ளது.

சின்ஜி வெர்ஷன் நடுத்தர மாடலான மேக்னா மற்றும் ஸ்போர்ட்ஸ் வேரியண்ட்களில் வழங்கப்பட்டுள்ளது. விலையை பொருத்தவரை புதிய சிஎன்ஜி சார்ந்த கிராண்ட் ஐ10 நியாஸ் பெட்ரோல் மற்றும் டீசல் மாடல்களுக்கு சரியாக நிலைநிறுத்தப்பட்டுள்ளது. 

ஹூண்டாய் ஐ10 கிராண்ட் நியாஸ் மாடல் சிஎன்ஜி வேரியண்ட்களில் பெட்ரோல், டீசல் மாடல்களில் வழங்கப்பட்டதை போன்ற அம்சங்கள் வழங்கப்பட்டுள்ளன. 

அந்த வகையில் 8 அங்குல தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ வசதி, வயர்லெஸ் போன் சார்ஜிங், ஆட்டோமேடிக் கிளைமேட் கண்ட்ரோல், ப்ரோஜெக்டர் ஹெட்லேம்ப்கள், கீலெஸ் என்ட்ரி மற்றும் ஸ்டீரிங் மவுன்ட் கண்ட்ரோல்கள் வழங்கப்பட்டுள்ளன.

ஹூண்டாய் கிராண்ட் ஐ10 நியாஸ் சிஎன்ஜி மாடலில் 1.2 லிட்டர் பிஎஸ்6 ரக கப்பா என்ஜின் வழங்கப்பட்டுள்ளது. இந்த என்ஜின் 66 பிஹெச்பி பவர், 95 என்எம் டார்க் செயல்திறன் வழங்குகிறது. சிஎன்ஜி என்ஜினுடன் 5 ஸ்பீடு மேனுவல் கியர்பாக்ஸ் வழங்கப்பட்டுள்ளது.