தொழில்நுட்பம்
அடுத்த வாரம் இந்தியா வரும் ரியல்மி GT 5ஜி சீரிஸ்
ரியல்மி நிறுவனத்தின் புதிய ஸ்மார்ட்போன் மற்றும் லேப்டாப் மாடல்கள் அடுத்த வாரம் அறிமுகமாகின்றன.
ரியல்மி GT 5ஜி, ரியல்மி GT மாஸ்டர் எடிஷன் மற்றும் ரியல்மி புக் ஸ்லிம் போன்ற மாடல்கள் ஆகஸ்ட் 18 ஆம் தேதி இந்தியாவில் அறிமுகமாகிறது. புது சாதனங்களுடன் அறிமுகமாகும் ரியல்மி புக் ஸ்லிம் இந்தியாவில் வெளியாகும் ரியல்மியின் முதல் லேப்டாப் ஆகும்.
புது ஸ்மார்ட்போன் மற்றும் லேப்டாப் வெளியீட்டை தொடர்ந்து, ரியல்மி மற்றும் ப்ளிப்கார்ட் வலைதளங்களில் இந்த சாதனங்களுக்கான பிரத்யேக வலைப்பக்கம் உருவாக்கப்பட்டு இருக்கிறது. ரியல்மி GT சீரிஸ் ஆன்லைனில் நடைபெறும் நிகழ்வில் அறிமுகமாக இருக்கிறது.
முன்னதாக மார்ச் மாத வாக்கில் சீனாவிலும், அதன்பின் ஜூன் மாத வாக்கில் சர்வதேச சந்தையிலும் அறிமுகம் செய்யப்பட்ட ரியல்மி GT 5ஜி தற்போது இந்தியாவில் அறிமுகமாக இருக்கிறது. ரியல்மி GT மாஸ்டர் எடிஷன் ஸ்மார்ட்போன் ஜூலை மாத வாக்கில் சீன சந்தையில் அறிமுகம் செய்யப்பட்டது.