ஒலிம்பிக் ஹாக்கி- இரண்டாவது ஆட்டத்தில் ஆஸ்திரேலியாவிடம் இந்தியா தோல்வி

டோக்கியோ:

ஒலிம்பிக் தொடரில் இன்று ஆண்களுக்கான ஹாக்கி லீக் சுற்று ஆட்டங்கள் நடைபெறுகின்றன. இதில், ஏ பிரிவுக்கான இரண்டாவது லீக் ஆட்டத்தில் இந்தியாவும், ஆஸ்திரேலியாவும் விளையாடின. பரபரப்பான இந்த ஆட்டத்தில் இந்திய அணி 1-7 என்ற கோல்கணக்கில் தோல்வி அடைந்தது.

இந்தியா தரப்பில் சிங் தில்பிரீத் 34வது நிமிடத்தில் கோல் அடித்தார். ஆஸ்திரேலிய அணியில் கோவர்ஸ் இரண்டு கோல்களும், பிராண்ட், பெலிட்ஸ், ஓகில்வீ, ஹேவார்டு, பீல் ஆகியோர் தலா ஒரு கோலும் அடித்தனர்.