ஆட்டோமொபைல்
சூப்பர் மோட்டோ ஏபிஎஸ் கொண்ட அபாச்சி ஆர்டிஆர் 200 4வி அறிமுகம்
டிவிஎஸ் மோட்டார்ஸ் நிறுவனம் சூப்பர் மோட்டோ ஏபிஎஸ் வதகி கொண்ட அபாச்சி ஆர்டிஆர் 200 4வி மோட்டார்சைக்கிளை அறிமுகம் செய்துள்ளது.
டிவிஎஸ் மோட்டார்ஸ் நிறுவனம் இந்திய சந்தையில் சூப்பர் மோட்டோ ஏபிஎஸ் கொண்ட அபாச்சி ஆர்டிஆர் 200 4வி மோட்டார்சைக்கிளை அறிமுகம் செய்துள்ளது. இதன் விலை ரூ. 1,23,500, எக்ஸ்-ஷோரூம் என நிர்ணயம் செய்யப்பட்டு உள்ளது.
இனி அபாச்சி ஆர்டிஆர் 200 4வி மோட்டார்சைக்கிள் டூயல் சேனல் அல்லது ஸ்விட்ச் செய்யக்கூடிய ஏபிஎஸ் மோட் வசதியின்றி சிங்கிள் சேனல் ஏபிஎஸ் வசதியுடன் வழங்கப்படும். இதுதவிர இந்த மோட்டார்சைக்கிளில் வேறு எந்த மாற்றமும் மேற்கொள்ளப்படவில்லை.
அபாச்சி ஆர்டிஆர் 200 4வி மோட்டார்சைக்கிளில் பெதர் டச் ஸ்டார்ட், எல்இடி ஹெட்லேம்ப், டிஆர்எல்கள், பாடி கிராபிக்ஸ், கிளைடு த்ரூ தொழில்நுட்பம், ஸ்மார்ட்எக்ஸ்கனெக்ட் கனெக்ட்டெட் தொழில்நுட்பம் உள்ளிட்டவை வழங்கப்பட்டு இருக்கிறது.
2020 டிவிஎஸ் அபாச்சி ஆர்டிஆர் 200 4வி மோட்டார்சைக்கிளில் 197.75சிசி சிங்கிள் சிலிண்டர், 4 வால்வுகள் கொண்ட ஏர்/ஆயில் கூல்டு என்ஜின் வழங்கப்பட்டு உள்ளது. இது 20.2 பிஹெச்பி பவர், 16.8 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது.