தொழில்நுட்பம்
ஹூவாய் ஃபிரீபட்ஸ் 3ஐ

இந்தியாவில் ஹூவாய் ஃபிரீபட்ஸ் 3ஐ ட்ரூ வயர்லெஸ் இயர்பட்ஸ் அறிமுகம்

Published On 2020-07-24 05:54 GMT   |   Update On 2020-07-24 05:54 GMT
ஹூவாய் நிறுவனத்தின் ஃபிரீப்ட்ஸ் 3ஐ ட்ரூ வயர்லெஸ் இயர்பட்ஸ் இந்திய சந்தையில் அறிமுகம் செய்யப்பட்டு உள்ளது.
 

ஹூவாய் நிறுவனம் ஃபிரீபட்ஸ் 3ஐ ட்ரூ வயர்லெஸ் இயர்பட்ஸ் மாடலை இந்திய சந்தையில் அறிமுகம் செய்து உள்ளது. புதிய ஃபிரீபட்ஸ் 3ஐ இயர்பட்ஸ் அமேசான் பிரைம் டே சலுகையின் போது விற்பனை செய்யப்பட இருக்கிறது. 

புதிய 3ஐ மாடல் ஏற்கனவே ஹூவாய் அறிமுகம் செய்த ஹூவாய் ஃபிரீபட்ஸ் 3 வேரியண்ட்டின் விலை குறைந்த எடிஷன் ஆகும். குறைந்த விலை என்ற போதும் புதிய இயர்பட்சில் ஆக்டிவ் நாய்ஸ் கேன்சலேஷன், சிறப்பான பேட்டரி பேக்கர், டச் கண்ட்ரோல் மற்றும் பல்வேறு அம்சங்கள் வழங்கப்பட்டு உள்ளன.

இத்துடன் மூன்று மைக் செட்டப் வழங்கப்பட்டுள்ளதால், நாய்ஸ் கேன்சலேஷன் அம்சம் சிறப்பான அனுபவத்தை வழங்கும். 



ஹூவாய் ஃபிரீபட்ஸ் 3ஐ சிறப்பம்சங்கள்

- ப்ளூடூத் 5
- 10 எம்எம் டைனமிக் டிரைவர்கள்
- ஆக்டிவ் நாய்ஸ் கேன்சலேஷன், ஆம்பியன்ட் நாய்ஸ் கேன்சலேஷன்
- 190 எம்எஸ் லோ லேடென்சி 
- பாப் அப் பேர் வசதி
- இயர்பட் ஒவ்வொன்றிலும் 37 எம்ஏஹெச் பேட்டரி
- சார்ஜிங் கேசில் 410 எம்ஏஹெச் பேட்டரி
- யுஎஸ்பி டைப் சி
- ஒருமுறை சார்ஜ் செய்தால் 3.5 மணி நேர பிளேபேக்
- சார்ஜிங் கேஸ் சேர்த்தால் 14.5 மணி நேர பேக்கப்

ஹூவாய் ஃபிரீபட்ஸ் 3ஐ செராமிக் வைட் மற்றும் கார்பன் பிளாக் நிறங்களில் கிடைக்கிறது. இந்தியாவில் இதன் விலை ரூ. 9990 என நிர்ணயம் செய்யப்பட்டுள்ளது. இந்தியாவில் இதன் விற்பனை ஆகஸ்ட் 6 ஆம் தேதி அமேசானில் நடைபெற இருக்கிறது. ஆகஸ்ட் 6 மற்றும் 7 ஆகிய தேதிகளில் ஹூவாய் ஃபிரீபட்ஸ் 3ஐ வாங்குவோருக்கு ஹூவாய் பேண்ட் 4 இலவசமாக வழங்கப்படுகிறது.

Tags:    

Similar News