குறைந்த விலையில் வெளியாகும் புதிய சியோமி 5ஜி ஸ்மார்ட்போன்

சியோமி 11 லைட் என்.இ. 5ஜி மாடல் இந்திய விலை மற்றும் நிறங்கள் பற்றிய விவரம் இணையத்தில் லீக் ஆகி உள்ளது. இந்தியாவில் சியோமி 11 லைட் என்.இ. 5ஜி மாடல் செப்டம்பர் 25 ஆம் தேதி அறிமுகமாக இருக்கிறது. முன்னதாக இந்த ஸ்மார்ட்போன் சர்வதேச சந்தையில் அறிமுகம் செய்யப்பட்டது.

இந்த நிலையில், தற்போது வெளியாகி இருக்கும் தகவல்களில் சியோமி 11 லைட் என்.இ. 5ஜி 6 ஜிபி + 128 ஜிபி விலை ரூ. 21,999 என துவங்கும் என குறிப்பிடப்பட்டு இருக்கிறது. இந்த ஸ்மார்ட்போன் 8 ஜிபி + 128 ஜிபி மற்றும் 8 ஜிபி + 256 ஜிபி போன்ற வேரியண்ட்களிலும் கிடைக்கும் என தெரிகிறது.

இந்தியாவில் சியோமி 11 லைட் என்.இ. 5ஜி மாடல் வைட், பின்க், புளூ மற்றும் பிளாக் நிறங்களில் கிடைக்கும் என கூறப்படுகிறது. அம்சங்களை பொருத்தவரை இந்த ஸ்மார்ட்போன் 6.55 இன்ச் புல் ஹெச்.டி. பிளஸ் 1080x2400 பிக்சல் ஆமோலெட் டிஸ்ப்ளே, ஸ்னாப்டிராகன் 778ஜி பிராசஸர் வழங்கப்பட்டு இருக்கிறது.