செய்திகள்
இந்தியாவில் இன்றும் 1 கோடி தடுப்பூசி டோஸ்கள் செலுத்தி சாதனை
இந்தியாவில் இதுவரை செலுத்தப்பட்ட தடுப்பூசிகளின் எண்ணிக்கை 86 கோடியே 98 லட்சத்து 44 ஆயிரத்து 811 ஆக அதிகரித்துள்ளது.
புதுடெல்லி:
இந்தியாவில் கொரோனா தடுப்பூசி செலுத்தும் பணிகள் தீவிரமாக நடைபெற்று வருகிறது. வைரஸ் பரவல் அதிகரித்து வரும் சூழ்நிலையிலும் தடுப்பூசி செலுத்தும் பணிகள் துரிதப்படுத்தப்பட்டுள்ளது.
இந்நிலையில், இந்தியாவில் இன்று ஒரேநாளில் 1 கோடி தடுப்பூசி டோஸ்கள் செலுத்தப்பட்டுள்ளது. தற்போதைய நிலவரப்படி, நாடு முழுவதும் இன்று ஒரேநாளில் 1 கோடியே 1 லட்சத்து 29 ஆயிரத்து 733 கொரோனா தடுப்பூசி டோஸ்கள் செலுத்தப்பட்டுள்ளது என மத்திய சுகாதாரத்துறை தெரிவித்துள்ளது.
நாட்டில் ஒரே நாளில் 1 கோடிக்கும் அதிகமான தடுப்பூசி டோஸ்கள் செலுத்தப்பட்டது இது 5-வது முறை என்பது குறிப்பிடத்தக்கது.
இதையும் படியுங்கள்...ஆகாஷ் பிரைம் ஏவுகணை சோதனை வெற்றி: டி.ஆர்.டி.ஓ.