செய்திகள்
விக்கெட் வீழ்த்திய உற்சாகத்தில் ஜெகதீசன் கவுசிக்

டிஎன்பிஎல் 4-வது லீக் ஆட்டம்... திண்டுக்கல் அணியை 96 ரன்களில் சுருட்டியது மதுரை

Published On 2021-07-22 16:15 GMT   |   Update On 2021-07-22 16:15 GMT
டிஎன்பிஎல் தொடரில் இன்றைய ஆட்டத்தில் மதுரை அணி தரப்பில் கவுசிக், ராமலிங்கம் ரோகித் ஆகியோர் தலா 3 விக்கெட்டுகளை கைப்பற்றினர்.
சென்னை:

டிஎன்பிஎல் கிரிக்கெட் தொடரின் நான்காவது லீக் ஆட்டம் சென்னை சேப்பாக்கம் மைதானத்தில் இன்று நடைபெறுகிறது. இதில் திண்டுக்கல் டிராகன்ஸ், மதுரை பாந்தர்ஸ் அணிகள் மோதுகின்றன.

டாஸ் வென்ற மதுரை அணி, திண்டுக்கல் அணியை முதலில் பேட்டிங் செய்யும்படி அழைத்தது. அதன்படி பேட்டிங் செய்த திண்டுக்கல் அணி, மதுரை அணியின் பந்துவீச்சை சமாளிக்க முடியாமல் 96 ரன்களில் சுருண்டது. அதிகபட்சமாக விக்கெட் கீப்பர் மணி பாரதி 26 ரன்கள் சேர்த்தார். ஹரி நிஷாந்த் 19 ரன்களும், விவேக் 11 ரன்களும் அடித்தனர்.

மதுரை அணி தரப்பில் கவுசிக், ராமலிங்கம் ரோகித் ஆகியோர் தலா 3 விக்கெட்டுகளையும், கிரண் ஆகாஷ், சிலம்பரசன் ஆகியோர் தலா 2 விக்கெட்களையும் வீழ்த்தினர். இதையடுத்து 97 ரன்கள் எடுத்தால் வெற்றி என்ற எளிய இலக்குடன் மதுரை அணி களமிறங்கியது.
Tags:    

Similar News