ஆட்டோமொபைல்
டுகாட்டி ஸ்கிராம்ப்ளர் 1100 ப்ரோ

டுகாட்டி ஸ்கிராம்ப்ளர் 1100 ப்ரோ மற்றும் ப்ரோ ஸ்போர்ட் மாடல்கள் அறிமுகம்

Published On 2020-09-23 08:57 GMT   |   Update On 2020-09-23 08:57 GMT
டுகாட்டி நிறுவனம் புதிய ஸ்கிராம்ப்ளர் 1100 ப்ரோ மற்றும் ப்ரோ ஸ்போர்ட் மாடல்களை இந்தியாவில் அறிமுகம் செய்தது.

டுகாட்டி நிறுவனம் இந்திய சந்தையில் ஸ்கிராம்ப்ளர் 1100 ப்ரோ மற்றும் ஸ்கிராம்ப்ளர் 1100 ப்ரோ ஸ்போர்ட் மாடல்களை அறிமுகம் செய்தது. இவற்றின் விலை முறையே ரூ. 11.95 லட்சம் மற்றும் ரூ. 13.74 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது.

டுகாட்டி ஸ்கிராம்ப்ளர் 1100 ப்ரோ மாடல் ஓசன் டிரைவ் நிறத்திலும், 1100 ப்ரோ மாடல் மேட் பிளாக் நிறத்தில் கிடைக்கிறது. இதன் ப்ரோ ஸ்போர்ட் மாடலில் லோயர் ஹேன்டிள்பார்கள், பார்-எண்ட் மிரர்கள், டேன் பிரவுன் சீட் உள்ளிட்டவை வழங்கப்பட்டு இருக்கிறது.


 
இத்துடன் ஸ்கிராம்ப்ளர் 1100 ப்ரோ ஸ்போர்ட் மாடலில் ஒலின்ஸ் சஸ்பென்ஷன் வழங்கப்பட்டுள்ளன. ஸ்கிராம்ப்ளர் 1100 ப்ரோ மாடலில் முன்புறம் மர்சோக்கி ஃபோர்க்குகள், பின்புறம் கியாபா மோனோஷாக் சஸ்பென்ஷன் வழங்கப்பட்டு இருக்கிறது.

டுகாட்டி ஸ்கிராம்ப்ளர் 1100 ப்ரோ மற்றும் ப்ரோ ஸ்போர்ட் மாடலில் 1100 சிசி, எல் ட்வின் மோட்டார் வழங்கப்பட்டு உள்ளது. இந்த மோட்டார் 86 பிஹெச்பி பவர், 88 என்எம் டார்க் செயல்திறன் வழங்குகிறது. இதன் விநியோகம் விரைவில் துவங்கும் என தெரிகிறது.
Tags:    

Similar News