நவராத்திரி விழாவையொட்டி சவுடேஸ்வரி அம்மன் கோவிலில் சிறப்பு பூஜை

ராசிபுரம் குஞ்சு மாரியம்மன் கோவில் தெருவில் சவுடேஸ்வரி அம்மன் கோவில் உள்ளது. இங்கு ஒவ்வொரு ஆண்டும் நவராத்திரி விழா கொண்டாடப்படுவது வழக்கம். அதன்படி இந்த ஆண்டு நவராத்திரி விழா கடந்த 6-ந் தேதி தொடங்கி நடைபெற்று வருகிறது.

இதையொட்டி சாமிக்கு தினமும் அபிஷேகம், சிறப்பு பூஜைகள் நடந்து வருகின்றன. 3-ம் நாளான நேற்று நடந்த சிறப்பு பூஜையில் சவுடேஸ்வரி அம்மன் சிறப்பு அலங்காரத்தில் பக்தர்களுக்கு அருள்பாலித்தார். விழாவுக்கான ஏற்பாடுகளை கோவில் நிர்வாகிகள் செய்துள்ளனர்.