லைஃப்ஸ்டைல்
பெண்களின் கருவை கலைக்கும் ‘தைராய்டு’

பெண்களின் கருவை கலைக்கும் ‘தைராய்டு’

Published On 2020-06-20 05:05 GMT   |   Update On 2020-06-20 05:05 GMT
தைராய்டு பாதிப்புகள் பெண்களிடம் அதிகரித்துக்கொண்டிருக்கிறது. தைராய்டு ஹார்மோன் அதிகம் சுரந்தால் அது கருகலைந்து போவதற்கும், சிசுவின் வளர்ச்சி குறைபாட்டிற்கும் காரணமாகி விடும்.
தைராய்டு பாதிப்புகள் பெண்களிடம் அதிகரித்துக்கொண்டிருக்கிறது. அதற்கான அறிகுறிகள் தென்படும்போதே, சிகிச்சையை பெற்றுவிட்டால் இந்த நோயில் இருந்து தப்பிவிடலாம் என்கிறார்கள்.

இதயத் துடிப்பு உள்பட உடலின் பல்வேறு செயல்பாடுகளை நடைமுறைப்படுத்துகின்ற ஹார்மோனை சுரக்கும் சுரப்பிதான் தைராய்டு. கழுத்தின் அடிப்பகுதியில் இது அமைந்திருக்கிறது. இந்த சுரப்பியின் செயல்பாட்டில் ஏதாவது கோளாறு ஏற்பட்டால், இது சுரக்கும் ஹார்மோனின் அளவில் வித்தியாசம் தோன்றும். இஇரத்த த்தில் இந்த ஹார்மோனின் (டி-3, டி-4) அளவு குறைந்து போகும்போது, ‘ஹைப்போ தைராய்டிஸம்’ தோன்றுகிறது. உடல் குண்டாவது, அதிக சோர்வு, மலச்சிக்கல், குழந்தையின்மை, அதிக குளிர், குரலில் பதற்றம், முகத்திலும்-காலிலும் நீர்க்கட்டு, முடி உதிர்தல் இதன் அறிகுறியாகும்.

தைராய்டு ஹார்மோன்கள் அளவுக்கு அதிகமாக உற்பத்தியாவது ‘ஹைப்பர் தைராய்டிஸம்’ எனப்படும். அதிக சோர்வு, அதிக பசி, உடல் எடை குறைதல், இதயத் துடிப்பு அதிகரித்தல், உடல் நடுக்கம், அதிக வியர்வை, வெயிலை தாங்க முடியாமை, உறக்கமின்மை, மாதவிலக்கு கோளாறு, கண்கள் வெளியே தள்ளுவது போன்ற நிலை இதன் அறிகுறிகளாகும்.

தினமும் எட்டுமணி நேரம் தூங்குவது உடலுக்கு போதுமானது. ஆனால் சிலருக்கு எட்டுமணி நேஇஇரத்த ுக்கு மேல் தூங்கிய பின்பும் சோர்வு நிலை உருவாகும். தைராய்டு ஹார்மோனின் அளவு குறைந்தாலும், அதிகரித்தாலும் இப்படி இருக்கும். ஆனால் ‘ஹைப்பர் தைராய்டிஸம்’ பாதிப்பு கொண்ட ஒரு சிலர், அதிகமான உற்சாகத்துடன் இருப்பதும் உண்டு.

சிலர் தினசரி உடற்பயிற்சி மேற்கொள்வார்கள். உணவுக் கட்டுப்பாட்டையும் கடைப் பிடிப்பார்கள். ஆனாலும் அவர்களது உடல் எடை குறையாது. இதற்கு தைராய்டு ஹார்மோன் சுரப்பில் உருவாகும் சமச்சீரற்ற நிலையே காரணம்.

தேவையான அளவு உடற்பயிற்சி செய்தும், உணவுக்கட்டுப்பாட்டை மேற்கொண்டும் கொழுப்பின் அளவு குறையாவிட்டால் அது தைராய்டு பாதிப்பாக இருக்கலாம். ஹைப்போ தைராய்டிஸம் கொண்டவர்களுக்கு உடலில் கெட்ட கொழுப்பு அதிகமாக இருக்கும்.

சிலருக்கு பாரம்பரிய ரீதியாகவும் தைராய்டு பாதிப்பு ஏற்படுகிறது. அப்பா, அம்மா, உடன்பிறந்தவர்களில் யாருக்காவது தைராய்டு பாதிப்பு இருந்திருந்தால், நீங்கள் கவனமாக இருக்கவேண்டும்.

மாதவிடாய் கோளாறு, அதிக இரத்த ப்போக்கு, வலி ஆகியவையும், தைராய்டு பாதிப்பாக இருக்கக்கூடும். இந்த அறிகுறிகளை கொண்டவர்கள் சரியான சிகிச்சை பெற்று தீர்வுகாணாவிட்டால், அது எதிர்காலத்தில் குழந்தையின்மைக்கு வழிவகுத்துவிடும். தைராய்டு ஹார்மோன் அதிகம் சுரந்தால் அது கருகலைந்து போவதற்கும், சிசுவின் வளர்ச்சி குறைபாட்டிற்கும் காரணமாகி விடும்.

வெகுகாலமாக மலச்சிக்கல், அடிக்கடி வயிற்றுப்போக்கு இருப்பினும், அது தைராய்டு பிரச்சினையாக இருக்கலாம். முடி அதிகம் உதிர்ந்தாலும், தேவையற்ற இடத்தில் முடி வளர்ந்தாலும் தைராய்டு பிரச்சினை இருக்கலாம். கழுத்தில் ஏற்படும் வீக்கம், தசை வலி போன்றவையும் இதன் அறிகுறியாக இருக்க வாய்ப்புள்ளது.
Tags:    

Similar News