நெல்லை டவுனில் அய்யா வைகுண்டர் வாகன பவனி

நெல்லை டவுன் தெற்கு மவுண்ட் ரோட்டில் உள்ள ஸ்ரீமன் நாராயணசாமி கோவில், வைகுண்டர் தர்மபதியில் நேற்று அய்யா வைகுண்டர் அவதார விழா நடைபெற்றது.

இதையொட்டி அதிகாலை 5 மணிக்கு திருப்பள்ளி எழுச்சி, உகப்படிப்பு, நண்பகல் 12 மணிக்கு ஏகமகா அன்னதர்மம் நடைபெற்றது. மாலை 6 மணிக்கு அய்யா வைகுண்டர் வாகன பவனி நடந்தது. நாராயண சுவாமி பதியில் இருந்து தொடங்கி டவுன் 4 ரதவீதிகளிலும் வலம் வந்து மீண்டும் பதியை வந்தடைந்தது. இதில் கோவில் நிர்வாகி மாணிக்கம், அய்யாபதி பண்டாரங்கள், பணிவிடையாளர்கள், அன்பு கொடி மக்கள் கலந்து கொண்டனர்.

இதைத்தொடர்ந்து இரவு 7 மணிக்கு அருள் இசை கச்சேரி, 8 மணிக்கு அன்னதர்மமும், 10 மணிக்கு சிறப்பு வழிபாடும் நடைபெற்றது. இன்று (வெள்ளிக்கிழமை) காலை இனிமம் வழங்கப்படுகிறது.