செய்திகள்
மாயம்

திருச்சுழியில் ஓட்டல் தொழிலாளியுடன் பெண் மாயம்

Published On 2021-11-20 10:19 GMT   |   Update On 2021-11-20 10:19 GMT
விருதுநகர் மாவட்டம் திருச்சுழியில் ஓட்டல் தொழிலாளியுடன் பெண் மாயமானது தொடர்பாக போலீசார் வழக்கு பதிவு செய்து விசாரணை நடத்தி வருகின்றனர்.
விருதுநகர்:

விருதுநகர் மாவட்டம், திருச்சுழி அருகே உள்ள மயிலி கிராமத்தைச் சேர்ந்தவர் வெள்ளைச்சாமி, கட்டிட தொழிலாளி. இவரது மனைவி லதா (வயது 47). இவர் ஓட்டலில் வேலை பார்த்து வந்தார்.

சம்பவத்தன்று துணி தைக்க செல்வதாக வீட்டில் மகளிடம் கூறிவிட்டு லதா வெளியே சென்றார். அதன் பிறகு அவர் வீடு திரும்பவில்லை.

இது குறித்து அவரது மகன் அருண்பாண்டி போலீசில் புகார் செய்தார். அதில், தனது தாயாருடன் ஓட்டலில் வேலை பார்த்த ஜாகீர் உசேன் என்பவரும் மாயமாகி உள்ளார் என குறிப்பிட்டுள்ளார். இதுகுறித்து திருச்சுழி போலீசார் வழக்குப்பதிவு செய்து விசாரணை நடத்தி வருகின்றனர்.

சிவகாசி முனீஸ்வரன் காலனியைச் சேர்ந்த 15 வயது சிறுமி 8-ம் வகுப்பு படித்து வருகிறார். சம்பவத்தன்று வயிற்று வலி என பள்ளிக்கு செல்லாத மாணவி வீட்டில் இருந்து மாயமாகி விட்டார்.

இது குறித்த புகாரின் பேரில் சிவகாசி கிழக்கு போலீசார் வழக்குப்பதிவு செய்து விசாரணை நடத்தி வருகின்றனர்.

திருத்தங்கல் கருப்பசாமி நகரைச் சேர்ந்த 15 வயது சிறுமி வீட்டில் இருந்து தையல் வகுப்புக்கு செல்வதாக கூறிச் சென்றார். அதன் பிறகு அவர் வீடு திரும்பவில்லை. இது குறித்த புகாரின் பேரில் திருத்தங்கல் போலீசார் வழக்குப்பதிவு செய்து விசாரணை நடத்தி வருகின்றனர்.

விருதுநகர் சிவஞானபுரத்தைச் சேர்ந்தவர் செல்வராஜ் (30). மொபைல் கடை நடத்தி வருகிறார். இவர் திடீரென மாயமாகி விட்டார். அவரது 2 செல்போன்களும் சுவிட்ச் ஆப் செய்யப்பட்டுள்ளது.

இது குறித்து அவரது மனைவி ராஜலட்சுமி கொடுத்த புகாரின் பேரில் ஆமத்தூர் போலீசார் வழக்குப்பதிவு செய்து விசாரணை நடத்தி வருகின்றனர்.
Tags:    

Similar News