தொழில்நுட்பம்
ஐபோன் எஸ்இ

2021 ஐபோன் எஸ்இ, ஏர்பாட்ஸ் ப்ரோ 2 வெளியீட்டு விவரம்

Published On 2021-01-11 08:35 GMT   |   Update On 2021-01-11 08:35 GMT
ஆப்பிள் நிறுவனத்தின் 2021 ஐபோன் எஸ்இ, ஏர்பாட்ஸ் ப்ரோ 2 மாடல்களின் வெளியீட்டு விவரங்களை தொடர்ந்து பார்ப்போம்.


ஆப்பிள் நிறுவனம் 2021 ஐபோன் எஸ்இ மற்றும் புதிய ஏர்பாட்ஸ் ப்ரோ 2 மாடல்களை இந்த ஆண்டு ஏப்ரல் மாதத்தில் அறிமுகம் செய்ய இருப்பதாக தகவல் வெளியாகி உள்ளது. இந்த தகவல் ஜப்பான் நாட்டு வலைதளம் ஒன்றில் இருந்து வெளியாகி இருக்கிறது.

இம்முறை வெளியீடு தவிர இரு சாதனங்கள் பற்றி எந்த தகவலும் இடம்பெறவில்லை. எனினும், இரு சாதனங்கள் பற்றிய தகவல்கள் பலமுறை இணையத்தில் வெளியாகி இருக்கின்றன. 



கடந்த ஆண்டு ஏப்ரல் மாதத்தில் ஆப்பிள் நிறுவனம் ஐபோன் எஸ்இ 2020 மாடலை அறிமுகம் செய்தது. முன்னதாக 2019 அக்டோபர் மாதத்தில் ஏர்பாட்ஸ் ப்ரோ வயர்லெஸ் இயர்போனினை ஆப்பிள் நிறுவனம் அறிமுகம் செய்தது. 2020 ஐபோன் எஸ்இ மாடல் தோற்றத்தில் ஐபோன் 8 போன்றே காட்சியளிக்கிறது.

இதன் அம்சங்கள் ஐபோன் 11 மாடலில் இருந்ததை போன்றே இருக்கிறது. புதிய ஐபோன் எஸ்இ வெளியானது முதல் இதற்கான பிளஸ் வேரியண்ட் ஐபோன் 8 பிளஸ் தோற்றத்தில் வெளியாகும் என பல்வேறு தகவல்கள் இணையத்தில் வெளியாகி வருகின்றன.

இதுவரை 2021 ஐபோன் எஸ்இ மற்றும் ஏர்பாட்ஸ் ப்ரோ 2 மாடல் பற்றி ஆப்பிள் சார்பில் எந்த தகவலும் அதிகாரப்பூர்வமாக வெளியிடப்படவில்லை. 
Tags:    

Similar News