ஆட்டோமொபைல்
எம்ஜி எலெக்ட்ரிக் கார்

எலெக்ட்ரிக் ஸ்போர்ட்ஸ் கார் கான்செப்ட் அறிமுகம் செய்யும் எம்ஜி மோட்டார்

Published On 2021-03-29 07:50 GMT   |   Update On 2021-03-29 07:50 GMT
எம்ஜி மோட்டார் நிறுவனம் முற்றிலும் மின்சாரத்தில் இயங்கும் புது ஸ்போர்ட்ஸ் கார் கான்செப்ட் மாடலை விரைவில் அறிமுகம் செய்ய இருக்கிறது.


எம்ஜி மோட்டார் நிறுவனத்தின் புதிய இரண்டு கதவுகள் கொண்ட கான்செப்ட் எலெக்ட்ரிக் ஸ்போர்ட்ஸ் கார் விவரங்கள் இணையத்தில் லீக் கி இருக்கிறது. இந்த ஸ்போர்ட்ஸ் கார் மார்ச் 31, 2021 அன்று அறிமுகமாக இருக்கிறது. புதிய ஸ்போர்ட்ஸ் கார் எம்ஜி சைபர்ஸ்டெர் எனும் பெயர் கொண்டிருக்கும் என கூறப்படுகிறது.

காரின் முன்புறம் ஏரோடைனமிக் டிசைன், பக்கவாட்டு மற்றும் டெயில் லேம்ப் உள்ளிட்டவைகளை பார்க்கும் போது இந்த மாடல் அதிவேக எலெக்ட்ரிக் ஸ்போர்ட்ஸ் கார் மாடலாக இருக்கும் என தெரிகிறது. இது சர்வதேச சந்தையில் ஸ்போர்ட்ஸ் கார் பிரியர்களை கவரும் வகையிலான தோற்றம் கொண்டுள்ளது.



இது கேமிங் காக்பிட் கொண்ட உலகின் முதல் முழுமையான சூப்பர் கார் ஆகும். எம்ஜி குளோபல் டிசைன் குழுவினர் இந்த காரை வடிவமைத்து இருக்கின்றனர். இந்த கார் ஒருமுறை சார்ஜ் செய்தால் 800 கிலோமீட்டர் வரை செல்லும் திறன் கொண்டிருக்கும். 

இந்த கார் முழுமையான எலெக்ட்ரிக் திறன், 5ஜி இணைப்பு வசதி கொண்டிருக்கும் என்றும் இது மணிக்கு 100 கிலோமீட்டர் வேகத்தை 3 நொடிகளில் எட்டிவிடும் என கூறப்படுகிறது.
Tags:    

Similar News