ஆட்டோமொபைல்
மஹிந்திரா எக்ஸ்.யு.வி.700

மஹிந்திரா எக்ஸ்.யு.வி.700 வினியோக விவரம்

Published On 2021-10-30 13:14 GMT   |   Update On 2021-10-30 13:14 GMT
மஹிந்திரா நிறுவனத்தின் புதிய எக்ஸ்.யு.வி.700 முதல் யூனிட் பாராலிம்பிக்கில் தங்கம் வென்ற சுமித்துக்கு வழங்கப்பட்டது.


மஹிந்திரா நிறுவனம் எக்ஸ்.யு.வி.700 மாடலை இந்தியாவில் வினியோகம் செய்ய துவங்கியது. புதிய எக்ஸ்.யு.வி.700 முதல் யூனிட் 2020 பாராலிம்பிக்ஸ் போட்டியில் தங்க பதக்கம் வென்ற சுமித் அண்டிலுக்கு வழங்கப்பட்டது. இது பிரத்யேகமாக உருவாக்கப்பட்ட எக்ஸ்.யு.வி.700 கோல்டு எடிஷன் மாடல் ஆகும். 

கோல்டு எடிஷன் மாடலில் முன்புற கிரில் கோல்டன் இன்சர்ட்கள் வழங்கப்பட்டு இருக்கிறது. இத்துடன் மஹிந்திராவின் புது லோகோ சேட்டின் கோல்டு நிறத்தில் பொருத்தப்பட்டு உள்ளது. இதன் டெயில்கேட் பகுதியில் 68.55 எனும் எண்கள் தங்க நிறத்தில் பொறிக்கப்பட்டு இருக்கிறது. உள்புற இருக்கைகளில் தங்க நிற ஸ்டிட்ச் செய்யப்பட்டு உள்ளது.



முன்னதாக மஹிந்திரா நிறுவனம் அடுத்த ஆண்டு ஜனவரி 14 ஆம் தேதிக்குள் நாடு முழுக்க 14 ஆயிரம் எக்ஸ்.யு.வி.700 யூனிட்களை வினியோகம் செய்ய இலக்கு நிர்ணயித்து இருப்பதாக அறிவித்தது. இந்தியாவில் புதிய மஹிந்திரா எக்ஸ்.யு.வி.700 நான்கு வேரியண்ட்கள், இரண்டு என்ஜின் ஆப்ஷன்களில் கிடைக்கிறது.
Tags:    

Similar News