ரூ. 4.99 லட்சம் துவக்க விலையில் சோனி ஸ்மார்ட் டிவி அறிமுகம்

சோனி நிறுவனம் பிரேவியா சீரிசில் இரண்டு புதிய ஸ்மார்ட் டிவி மாடல்களை இந்திய சந்தையில் அறிமுகம் செய்து இருக்கிறது. இவை பிரேவியா XR 77A80J மற்றும் 85X85J என அழைக்கப்படுகின்றன. இரு மாடல்களிலும் டால்பி விஷன், டால்பி அட்மோஸ் மற்றும் பல்வேறு இதர அம்சங்கள் வழங்கப்பட்டு உள்ளன. 

மேலும் இவை காக்னிடிவ் பிராசஸர் XR மற்றும் X1 4K HDR பிக்ச்சர் பிராசஸர், 4K, HDMI 2.1, ALLM மற்றும் VRR வசதி கொண்டுள்ளன. இத்துடன் டால்பி அட்மோஸ், டால்பி விஷன், அகவுஸ்டிக் ஆட்டோ-கேலிப்ரேஷன் தொழில்நுட்பம் வழங்கப்பட்டு இருக்கின்றன.

சோனியின் புதிய OLED டிவி மாடல்களில் XR TRILUMINOS மற்றும் TRILUMINOS Pro வசதி உள்ளன. ஆடியோவை பொருத்தவரை 77A80J மாடலில் 3டி சரவுண்ட் சவுண்ட், 85X85J மாடலில் X பேலன்ஸ் ஸ்பீக்கர் வழங்கப்பட்டு உள்ளன. இத்துடன் கூகுள் டிவி, ஆப்பிள் ஏர்பிளே 2 மற்றும் ஹோம்கிட் உள்ளிட்டவைகளுக்கான வசதி வழங்கப்பட்டுள்ளது.

இந்தியாவில் சோனி பிரேவியா XR77A80J மாடல் விலை ரூ. 5,49,990 என நிர்ணயம் செய்யப்பட்டு உள்ளது. இதன் விற்பனை ஆகஸ்ட் 25 ஆம் தேதி துவங்குகிறது. பிரேவியா 85X85J மாடல் விலை ரூ. 4,99,990 ஆகும். இதன் விற்பனை ஏற்கனவே துவங்கி நடைபெற்று வருகிறது.