6ஜி தொழில்நுட்பத்தை உருவாக்கும் பணிகளை துவங்கிய எல்ஜி

எல்ஜி எலெக்டிரான்க்ஸ் நிறுவனம் 6ஜி நெட்வொர்க் தொழில்நுட்பத்தை உருவாக்குவதற்கான கூட்டணியை அமைத்து வருவதாக தெரிவித்து உள்ளது. இதற்கென எல்ஜி நிறுவனம் கீசைட் டெக்னாலஜீஸ், கொரியாவின் அறிவியல் மற்றும் தொழில்நுட்ப மையத்துடன் கூட்டணி அமைத்து இருக்கிறது.

ஒப்பந்தத்தின் படி மூன்று நிறுவனங்கள் இணைந்து டெராஹெர்ட்ஸ் சார்ந்த தொழில்நுட்பங்களை உருவாக்கும் பணிகளில் ஈடுபட இருக்கின்றன. டெராஹெர்ட்ஸ் 6ஜி தகவல் பரிமாற்ற முறையில் மிகமுக்கிய பிரீக்வன்சி பேண்ட் ஆகும். 

முன்னதாக 2019 ஆண்டு எல்டி நிறுவனம் 6ஜி ஆய்வு நிறுவனத்தை கொரியாவின் அறிவியல் மற்றும் தொழில்நுட்ப மையத்தில் கட்டமைத்தது. கீசைட் டெக்னாலஜீஸ் நிறுவனம் 6ஜி டெராஹெர்ட்ஸ் சோதனை உபகரணங்களை வினியோகம் செய்கிறது.